بعد زياره امتدت ليومين في المملكه العربيه السعوديه وتقلده وسام الملك عبدالعزيزغادر الرئيس الامريكي جورش بوش المكنى في ابو باربرا ( هذا واحد يحلف انه جالس بين ابو متعب وبوش وسامع ابو متعب يقول لبوش ياابو باربرا انت فاهم الموضوع غلط ) وبعد تقصينا لمصدر الكنيه هذي اكتشفنا ان انت يابوش عنده بنتين الكبيره اسمها باربرا ومن هنا ينادونه بالسعوديه ابو باربرا ( لالا الولد مسوي فهيم ) ولكن خلال بحثنا والشي بالشي يذكر اكتشفنا انه انتي يابربرا طلعت راعية كااس قديمــه لانه منصاده قبل كم سنه تشرب في حانه وهي اندر ايج ( لغير الناطقين بالانجلش يعني عمرها اقل من 18 ) وهالشي مخالف للعرف عندهم بامريكا يعني اشربي فوق 18 ممكن بس تحتها لأ .. ونرجع لموضوعنا انه خلال هالزياره تم مناقشة الاوضاع الاقتصاديه والسياسيه وقضية ايران بالذات وفلسطين وكان التشريفات اختصروا المراسم التشريفيه في المطار عشان البرد اللي كان ( علما ان هناك اشاعات مغرضه تقول ان الحكومه شغلت مكيفات من الحدود الشماليه كلها ومن الجنوب عشان مايتغير الجو على بوش وانكبوا لانهم كانوا يبون مكيفات صحراويه بس المورد صربهم بالفاتوره وجابلهم مكيفات كرفت ) ولا يقولون كانوا بيجيبون بنياات يستقبلونه بالورد بس عاد قال مايحتاج نصخن بناتنا عشان ابو باربرا ... بعد مااستقبل بالمطار هو وحاشيته فصخ الجاميت حورج بوش بصالة الاستقبال وسط دهشة جميع الحضور اللي يقولون والله اللي مسوي قوي .. لكن بعدين جته ضربت بررد ماهي طبيعي مما دعا المراسم الملكيه انهم يطلبوون درزن فروات له ولحاشيته وواحد فروه بينك لكونداليزا رايس بس قهر مالقوا اللون البينك بسبب ان نساء السعوديات ماهم كيوتات مثل حقات امريكا .. بعد ذلك تم توقيع عقد توريد اسلحه ذكيه ماعمرها طلعت من امريكا بقيمة 20 مليار
بس طبعا لازم يوافق الكونقرس الامريكي عليها اول .. بعد كذا سحبه الامير سلمان بن عبدالعزيز عشان يوريه السعوديه والتراث السعودي ويبعده عن جو العمل وخلوا الامسر سعود الفيصل يتوهق بالامور السياسيه وبوش والامير سلمان طلعوا يتمشون في مركز الملك عبدالعزيز التاريخي ولازم الامير سلمان يوريه السيف الاملح اللي ابوهم وحد السعوديه فيه مما دعا ابو باربرا انه ياخذ السيف ويعرض العرضه السعوديه لعلى وعسى يوحد اميركا تحت حكم ال بوش ( ايه هين ) وتشير مصادرنا ان بوش تنكس بالسيف لدرجه ان الحاضرين شكوا ان فيه عرق عربي



( وتشير مصادري سريه انه يطالع البترول ويقول اااه من يشقلها عند ابوي في تكساس ) ..
وبعدها مر عليه سمو الامير متعب بن عبدالله بن عبدالعزيز ووراه اسطبل الخيول حق ابناء الملك عبدالعزيز لدرجه ان بوش تهول من اللي شافه وقال والله طلعوا الاماراتيين قاصين علي بصقورهم كل دقيقه حاطين صقر على يدي وانا متوجس خيفه ان يعضني مما دعا الامير متعب انه يقوله لا لا تخاف احنا نهتم بالسافيتي فيرست ( قالها بالانجليزي )



وبعد ماانبسط ع الخيول خذاه الامير متعب لمزرعة الملك عبدالله عشان يلبس الفروه من قلب وفعلا لبس الفروه اللي عيا يفصخها وتشير مصادرنا انه يقوول والله وين هالفروه عنا بامريكا
وتعشا هناك بالمزرعه ولزم عليه ابو متعب الا انه يمرح وتعرفون عاد ابو متعب ان لزم على احد ماحدن يقدر يغلبه
وبعدها اصبح الصبح وخذا حليب نيااق من عقبه كان بيدز على واشنطن على طوول بس قالت له كوندليزا رايس ترى امر الله بسعه نروح مصر سويعات قليله ومن هناك نرجع لامريكا والسلام ختام ..



كان معكم مراسلكم بالاقلاع واحد فاهم الخصاونه .. الاقلاع .. مزرعة الجنادريه