قالت المفوضية الاوروبيةانهم ضبطوا قوانينن جديدة حتى يمدي الركاب يزهمون على اللي يبون بدون مايقلقهم الموظف كل شوي طف جوالك وسكر جوالك (صورة مع التحية للبثرين)، ويقول مراسلنا باوربا مقلع شنايدر ان الدعوه محدده ولاهيب مفلوته وهي بس للي تطير بحدود قارة اوروبا بشرط ان الرحلة تصير على ارتفاع 3000 متر وما فوق . وقالوا نوبتن ثانيه انهم ما قرروا هالقرار الا عقب ستة اشهر من الطلبات والعزايم والجاهيات اللي سواها المنسق الاوروبي بهالموضوع، وانه يبي يجرب اول خدمة اتصال جوال من فوق طياره باوروبا بداية الشهر المدزبل. وقالت مفوضة شؤون الاتصالات في الاتحاد الاوروبي" وهي تناظر شركات الاتصالات بنص عين : هدوا الوضع من ناحية الاسعار وخلوها في حدود المعقول (صورة مع ملف اخضر لشركة الاتصالات ومعها نفس نظرة النص عين حقت النشمية).وقالت بعد ان تسان اللي استخدموا الجوال جتهم فواتير تصلخ الظهر، فان هالخدمه مهيب نافعة ابدن ابد .وقالت زود: ابي اوصي الخطوط الجوية وشركات الاتصالات انهم يحطون شروط زينة بالطيارات عشان يضمنون ان اللي يبون يزهمون مايقلقون منام خلق الله اللي معهم بالطيارة (صورة واحد يوصف مطار هيثرو والثاني سمعه ثقيل).