مفتاح الكعبه الله يشرفها


حراج واحد حراج اثنين بعنا <<-- بهالكلمات رست سومة مفتاح الكعبة الله يشرفها بـ 18 مليون دولار (67.500.000 ريال) بمزاد عليه العلم يقال له سوذبي في لندن، وهالمفتاح حسب حتسيهم يقولون انه يرجع للقرن الثنعش الميلادي.وانهبلوا اللي ماسكين الحراج من بيعة المقتاح وقالوا انها سومة وبيعتن طيبه ولا مر علينا زي هالبيعه قبل والله يرزق من شراه .وهالمفتاح ياطويلين وياطويلات العمر مصنوع من الفولاذ وطوله 37 سم ومنقوش عليه كلام (صنع هذا المفتاح لبيت الله الحرام).وكان هالمفتاح هو اطلق شي كان معروض بقسم الفن الاسلامي في دار المزادات (الحراج بالعربي),وقال ادوارد جيبس مدير الفن الاسلامي بدار سوذبي صراحة بيعة هالمفتاح حلوة. تصدقون ان سعر بيعته (أنت يالمفتاح) غطت على سعر بيعات القسم الاسلامي بكبره عام 2007، وهذا شي يدل على انه فيه ناس تدور وتبي تشتري من الفن الاسلامي, بالنسبة لهالمفتاح، هو المفتاح الوحيد اللي يملكه شخص معيّن، لأن مفاتيح الكعبة الثانيات واللي عددهن 58 مفتاح موجودات بمتاحف,وقالوا ناسن كباريه بسوذبي ان مفاتيح الكعبة كان محكورة للخلفاء من ايام العصر العباسي وهي اللي مخليتن الخليفه له سلطه وهيبه هاكالوقت.