سالفة ان حصه تهايط على بنت خالتها النوري بطقوم الذهب 21 قيراط الي شاريتهن لجهازها ,بطلناها خلاص مع موجة أرتفاع وغلاء المعيشة ، هذا ما جاء به خبرنا اللي يقول أن ماقدر على عادات اهل السعودية الخاصه بالزواج إلا شطوح اسعار الذهب من تالي ( اجل 28 جرام بـ 1000 دولار ! ) هالشي دفع كثير عرايس للإستغناء عن طقوم الذهب الكبيرة وتوابعها واكتفوا بالطقوم الصغيرة وبعضهم بالاكسسوار بس ( اخرتها شباصات ) واللي خربتها مره عاد تستأجر بس مهيب تعلم احد انه اجار ! << ماجابنا لوراء يالشعب السعودي الا حب الهياط , طبعاً هالشي يعتبر صعب إذا ما اخذنا في الاعتبار ان الذهب من العادات المهمه في الزواج السعودي بالاضافه الى كون السعودية من اكبر اسوق الذهب في المنطقة ! ,الذهب جيزه جيز باقي الدنيا الي طارت حيث ان الايجارات والمياه زادت بنسبة 14.9% والاطعمه والمشروبات زادت بنسبة 13% .. مانقول غير الله المستعان كلشن زاد سعره الا الانسان كلما له لدون