الشوف شجر؟؟ لقوا لك علاج بحول الله


ابشركم ياجماعة الخير انه كذا عالم بريطاني لقوا لهم حل لبعض مشاكل العمى، يومهم سووا تجارب لمريضين مرهمين لهم عين صناعية بمستشفى وسط لندن.وقال كذا واحد فاهم وراعي شغلة ان هالعين الصناعية يمكن تشوف حل للي انعموا بسبة العمى الوراثي، وجرب فريق طبي بمستشفى موفليدز الاسبوع الفايت على شايبين اعمارهم سفطن الخمسين عن قولة تسانهم خسروا زيادة ولا مابقى بهم كثر اللي راح وعن قولة نبي نجرب هالعلاج عليكم.وهالعين الصناعية اللي ضبطتها شركة سكند سايت الأمريكية مربوطة بسلك لكميرا مثبتينها بنظارة، وقالت الشركة ان هالطريقة يمدي الشوف يزين ولو شوي لكن الفاهمين قالوا ان هالاسلوب موب زين كونه توه ما اخذ حقه من الدراسات والعلوم.وهالعلاج بالعين الصناعية ناوين انه يعاون اللي انعموا بسبة مشاكل والتهابات بشبكية العين واللي هي بالاصل امراض وراثية الله يكفينا واياكم الشر واللي تهنّق بالشبكية.ويقولون ان اللي بهم هالمرض الله يعافينا وياكم ببريطانيا بلحالها من 20 الى 25 ألف واحد ووحده.والى هالحين مايدرون اذا العلاج نفع مع الشيبان ويقوون يقزقزون اولا ولكنهم متفائلين بالنتايج، وقالوا ان هالعملية سويت قبل باوروبا وامريكاوقال واحدن من الفاهمين وهو رئيس الرابطة البريطانية لالتهاب الشبكية ان العلاج يعتبر "طلقة" الا انه توّه ما اخذ حقّه. طبعاً لاننسى ان هالاكتشاف وأي اكتشاف بعد مشيئة الله سبحانه وتعالى والا الى اللحين الامر مهوب وكاد مره .. والله يحفظنا واياكم ..