الحمـدلله عالسلامـه ،،ولا عاد تعيدونها بس

عيالنا ،،ضاعوا،، ايه نعم ضاعوا،،الله لا يضيعنا بس،،الخبر يقول ان مجموعة طلاب سعوديين ضاعوا في وسط أدغال في نيوزيلندا وقال رئيس نادي الطلاب السعوديين،،وشايبهم أحمد المهدي انهم طلعوا كشته في أحد الادغال مع مجموعه من الطلاب السعوديين ،، ولما وصلوا ،،رتبوا امورهم ثم قاموا بتمارين رياضيه وسويدي وتمارين اطاله،،ثم تفرقوا،،اللى راح يلعب طايره،واللى يتمشى،،واللى راح يركب قارب ،، يعني ما هنا شي غريب،،المهـم كل مجموعة مسكت زاويه وقامت تسوي نشاطاتها،،،الا ثلاثة من العيال،،مسكت معهم يمشون،، يقولون نبي نتذكر ممشى الملك عبدالله (او شارع الحوامل على قولة عيال شرق الرياض) ،،وراحوا يسحبون سيقانهم المهم،،وقت الغداء محد رجع منهم،،فقمطنا العافيه ،،وانتظرنا،،والغداء برد ومحد جاء، المهـم طلعوا يدورونهم ،،ومرت الساعه والساعتين،، وما لقوهم،،قالوا مالنا الا البوليص الأمني ، عاد الشرطه ما قصرت وجت تدور وجايبتن كلاب بوليصيه وخلوها تشمشم ملابس العيال اللى ضاعوا،، وعقب كذا ساعه،،جت الشرطه وعيالنا الضايعين معهم ، واستانسوا اخوياهم ،،وعاشوا حياة سعيدة ،ومن هذا المنبر احب اطرح تنبيه هام للطلبة المبتعثين ،،وهو ان أدغال نيوزيلندا غير طعوس الثمامه يعني بنيوزيلندا لازم بوصله وخريطه مو مثل الثمامه عند ربعنا ،،جيب ربع وربك يسهل ،،