واحدن من موظفين بيشة طاقن حنا في لحيته .. تلميح
للمساهمين <<< يعني حنوها





نشرت جريدتن سعودية <<<<مهيب الاقتصادية
اليوم تقرير عن شركة بيشة اللي جابت العيد .. وقالوا أن الشركة مقرها كله فلتين ..
وواحدن يحلف أنها دبلكس

وان كل أبو الموظفين اللي في الشركة ما غير سبعة

وإنهم <<< انتم يا السبعة ما أن اصبحوا وهم ضرب اتصالات
.. اللي يسب .. واللي يدعي عليهم .. واللي يقول خلي الجمعية تجي واوريكم

وعلى كلن تقول الجريدة انهم الحين رفعوا لوزارة التجارة يبي يزينون جمعيتن عامة
ويخيرون المساهمين بين ثلاث <<< وش عنده ابن عباد 
الاوله أنهم يزودون راس المال والثانية أنهم يشوفون شركتن تضفهم ويندمجون معها

والثالثة أنهم يعلنون افلاس الشركة ويعطون الناس بادزي فلوسهم .. لا وتلقاهم
بيعطونهم إياه زوالي بعد

وللي ما يدري وش السالفة شركة بيشة هذي اعلنت نتايج الربع الثالث وقالوا أنهم
ربحانين يامال العافية ربحن بسيط بالعفرتة تعدى خمسين ألف <<<<
وش خلوا للبقالات

الموهم يوم راحت لهيئة سوق المال قالوا معليش الدعوة فيها خاش خرباش.. ورجعوها
للشركة وقالوا دققوا في النتايج لعلكم ناسينن شي ولا آش

عقبن راجعوا ودققوا .. وطلع أنهم غلطانين غلطتن بسيطة .. بدال ما هم ربحانين 51 ألف
ريال .. طلع أنهم خسرانين 22 مليون ونص <<< وجه اصفر حواجبه
مرتفعتن إلى ما لا نهاية وجمبه ستة يقولون عمى .. عمى .. عمى ويوم حسبوا
الهيئة السالفة طلع أن الشركة خسرانين أكثر من 95% من راس مالهم .. يعني لو يفلسون
الحين يا يعطونك عن كل سهم نص ريال <<<< الله من واحدن يا يقول
هو لكم