موظفين الهلال الاحمر السعودي 997 لابو من وظفكم



ياشين السرج على البقر أجل رساله من المفترض إنها تكون إنها تكون توعويه تسبب أزمه نفسيه لكل من يقراها تقريبًا نص الشعب السعودي وصلتهم رسالة الهلال الأحمر إللي مكتوب فيها :( عزيز لك في حالة طبية طارئة لا ترتبك تعلم معنا )هالرساله وصلت لأبوي أنا ياماحكيكم وبدال ماهيب إذا كان لك عزيز في حاله طبيه طارئه عزالله إنه صار لي عزيز في حاله طبيه طارئه تفاجأ الشايب وقت ماكان في الإستراحه بخمس رسايل سرد ورا بعض بعد الساعه عشر ليلة السبت الماضي مكتوب فيها عزيز لك في حاله طبيه طارئه والمرسل الهلال الأحمر الشايب حاول يتصل بالبيت ما أحد رد عليه يتصل علي وقتها ماكنت عند جوالي وكل من إتصل عليه مايرد قال بس عيالي فيهم بلاء وطلع من الإستراحه مستعجل وصل البيت ناشف ريقه أقسم بالله العظيم وصل لباب غرفتي وعلى وجهه صدمه ماقد شفتها إلا يوم وفاة أخوي وهاليوم وإلى ماهديته وأخذت من راسه العلم وقريت الرساله إتصلت عليهم والرقم مشغول وإتصلت من كل جوال طاح في يدي إلى ماردوا ويرد علي الموظف بكل برود سألته عن الموضوع قال خطأ من النظام قلت لابو من وظفكم لو صاير شي لهـ الشايب بتنفعوني أنتم ولا غيركم رد بالبرود المعهود ماهوب صاير له شي وقطع الخط !!! وبعد ماتم الإتصال بمدير الإسعاف الدكتور موفق البيوك قال إن هالرساله هدفها طلع تسلل ولا هي المقصد منها توعية المواطنين بالكوارث الطبيه وكيفية التعامل معها وقام عاد يبالغ ويملح ويبهر كلامه وقال :هالرسايل هي حمله لها عدة مراحل تهدف إلى لفت النظر لرقم الإسعاف خصوصاً إنه مايعرف رقم الإسعاف إلا 5 % من السعوديين وقال إنه تم إرسال خمس ملايين رساله للشعب

وعلشان مايقول إن السعوديين مايعرفون أرقام الطوارئ وحتى ما يغثنا غيرهم خذوا هذي لستة أرقام

الدوريات: 999، أمن الطرق: 996، الهلال الأحمر: 997، حرس الحدود: 994، الدفاع المدني: 998، طوارئ الكهرباء 4032222، الحوادث: 993، استعلامات 933، الإدارة العامة لمكافحة الغش التجاري: 4035555، جمعيةالبر: 4056666، استعلامات المطار: 2221700، 2221701، 2221702، السعودية الحجز: 920022222، استعلامات الهاتف: 905، المكالمات الدولية: 900، أعطال الهاتف: 904، الجوال: 902، المباحث الإدارية: البلاغات: 8001244000، الإدارة العامة: 4418007، الساعة الناطقة: 920001000، مكافحة المخدرات: 995/4766168، الجمعية الخيرية لمكافحة التدخين: 2780006، فاكس: 2785559، سكة الحديد: 4480000، إدارة الوافدين بالجوازات: 992، التأمينات الاجتماعية: 8001242344، المؤسسة العامة للتقاعد: 8001248889، غرفة طوارئ أمانة مدينة الرياض: 940، مكافحة الغش التجاري: 8001241616، مابقى الا رقم بقالتنا سبحان يفكر بعد !!
مانقول إلا لا حول ولا قوة إلا بالله والله ياجرنا على هالروعه إللي جتنا من ورا ثوارتهم

كان معكم
صمنديقة قافله أخلاقه