من يقول الصلع عيب؟ ،،،برعاية شركة عبداللطيف جميل


اويلي بس ،،اصدر امير منطقة الجوف صاحب السمو الامير فهد بن بدر بن عبدالعزيز اوامره للشرطة والهيئه،،وقال اللى يغازل بنات خلق الله بالسوق،،اسدحوه وجزوّا شعره بالموس،خله يتربى وضح الأمير فهد ان القرار ذا يطبق على اللى يغازلون ويضايقون بنات خلق الله حتى لو هو ولد امير او مسؤول ،لكن اللى يجي ويتمشى وما يحارش احد بنحطه عالعين والراس عاد الأمير فهد طلّع هالقرار خلال جلسته الاسبوعية مع المواطنين،،وقال لهم :انا مريت خلال جولتي بالقريات قدام مدراس البنات ولقيت مجموعة شباب مطولين شعورهم ويأذون بنات العالم،،لذلك طلعت هالقرار ووضح القرار ان مو كل من طول شعره بنحلقه له،،.! لا والف لا،،لكن اللى يحارش البنات ،، يتحمل ما يجيه، عاد القرار ذا وتطبيق الهيئه له بالجوف مسبب مشاكل مع العوايل، بعضهم رافض هالشي ويقول ما يصير ،،ولدنا له سنتين يربي بشعره ويدهنه بزيت زيتون وفازلين عشان ينعم ويلمع،،ليش تحلقونه؟ وناس ثانيه تقول ما هنا مشاكل،،بس لازم الهيئه تحسن أسلوبها مع البشرية شوي،،