مافيش حد احسن من حد.. هالمثل صار بكل محل يستخدمونه بمصر، ومن طلعاتهم الاخيره انهم يبون يحطون مساجد خاصة للحريم ولا يعتبها اي رجال..
بحيث انه يكون لهالمساجد امامه (ايه يعني حرمه خخخ) خاصه ومؤذنة وخطيبة جمعة والدروس الدينية..هذا اللي صار بمصر الايام اللي راحت يوم ان المجلس الأعلى للشؤون الاسلامية بمصر اللي تبع وزارة الاوقاف حقتهم، يستاذنون الحريم انهم يسوون لهن مساجد خاصة ولا يعتبوتها الرجاجيل.
بس ان الأمينة العامه للمجلس القومي للحريم بمصر "فرخنده حسن" قالت ان هالطلب ماوصلنا بتكيتنا واللي ترأسه مرت الرئيس المصري. بس د. عبد الغفار هلال عضو المجلس الأعلى للشؤون الإسلامية انهم وصلهم طلب عشان يشوفون وضع هالمسكة من الناحية الدينية.والى هالحين مشايخهم مارسوا لهم على بر فقهياً، وان هالقضية حتى ولو انها معروضه عليهم بمجلسهم موب معناته اننا موافقين عليها لا ياحبيبي انت وياها.. لأن مثل هالقضايا دايم تسبب قلق للمشايخ عندهم وتوصل احياناً لمد اليدين.
وقال (انت ياعبد الغفار) انه موب موافق على هالخرابيط ويحطون مساجد خاصة بالحريم.. سلامات هذا اللي ناقص بعد
والبلا انه يقول عادي مافيها شي اذا أمّت الحرمة للحريم الثانيات بس بشرط تكون بمكان كله حريم زي الندوة او السوق يجوز لها انها تؤم الحريم بس ماتطلع على منبر لا لازم تكون على الارض
(ياوالله الحواق اقول).