كل هذي انثى وعمرها 21 ؟؟


ياجماعة وش بلا هالحريم انسعرن من تالي علينا يالشباب! خبر خوينا زيزو اللي راح للهيئة يشتكي ان وحده ترقمه وتبيه يطلع معها وابلشته لين طقت تسبده وراح يشتكيها، وهذي هاللي مغتصبه واحد مرتين! يعني نقعد ببيوتنا؟! :D هذا سلمكم الله امريكية يقال لها رشمي ديبنارين (21سنة) متهمينها انها ماسكتن جذع عمره 17 ومغتصبته مرتين، بجزيرة ترينداد عقب مخرج 10 حول الجزر الكاريبيه تجيك قبل فنزويلا بحدعش كيلو.. ماعلينا وسنترت هالخاله قبال القاضي يهاوشها وش هاللي سويتيه ذا وانتس ماتستحين ياقليلة الحيا وووو.. وقالت موب انا (ماتعووق) مهوب انا اللي حاجرته ومغتصبته ضد ارادته ببيت على هاف مون عندهم يقال له كلااكستون، ومره ثانيه حجرته غصبن عليه واغتصبته مره ثانيه عقب اسبوعين من المره الاولى (ودي اعرف هو وش يوديه لها خخخخ)ويوم راحوا للمحكمة نقد المحامي حول 80 الف دولار وكفيل غارم وقال أجلوا لنا القضية شوي يمكن يهدي الله هالولد وتنقلون القضية لمحكمتن ثانيه يقال لها ويلينغتون وشكل القاضي هنا سمح موب مثل الثاني.ويقول هالمحامي ان عنده معلومات واشياء خطيره يبي يوريها القاضي قبل امس لكنه الظاهر انه نسى الشنطه بالتكسي وراحت عليه وقال لهم تونا بعدين ابوريكم. ووافقوا على انهم يأجلون القضية الين 17 يوليو الجاي.الله يستر منكم يالحريم بس.