اشار المرور تبعث لنا السرور <<انقلع بس


سلامو عليكم
سيل الظلام من وكالة الاقلاع الاخباريه يرحب بكم (وجه مزنوط بالكرفتا خخخخ) لقد وصلنا اليوم ان امانة الرياض قد تعاقدت مع شركة امريكانيه وذلك للتزبيط وتنظيم طريق الملك فهد والحركه المروريه فيه واللي قال هالحتسي المهندس فهد عبدالله البيشي مدير الدارسات والتصاميم بالامانه عاد يقول ابو عبدالله ان الشروع كله مهوب ماخذ له الا احدعشر شهر راح منها اربعه وبقى منه مدري احسبوها انتم خخخ وبيدخلون فيه المشروع التنكلوجيا والتقودم ويدخلونها في الحركه المروريه ويصيرون يسكرون المخارج وقت الزحمه ويفتحونها وقت الفضوه وهذا كله من خلال تقنيه يسمونها بالانجلينزي (Ramp Mettering) الترجمه : قفلوها وقت الزحمه شغلوها وقت الفرغه <<نصاب لايهمكم ههههههه ويصيرون يعلمون اللي بيدخل الملك فهد ان فيه زحمه رح للطريق الثاني والااقضب المخرج الثاني يعني شغل يحبه قلبكم خخخخخخخ وبيصير هالشغل كله 24 ساعه في اليوم يعني لو حصل ان هالاعين الساهره الله يحفظهم يراقبون 25 سساعه باليوم ماعندهم مشكله بس المشكله مافيه الا 24 ساعه خخخخخخخخ طبعاً الشغل كله بيصير على طريق الملك فهد حدوده من ميدان الجزائر من الجنوب و طريق أنس بن مالك من شمال وبيشمل كل ابو تقاطعات طريق الملك فهد الى ان نلقاكم في تصريح اخر سلامو عليكم <<مصع رقبته عشان يفك الكرفتا