تهقون حدا هالصواريخ بيطير في بوش بلا عوده ؟


ايران غدت مثل الي يدربيه السيل ويقول ديمه ! بمعنى انو رغم تهديدات اسرائيل وامريكا لها ورغم انهم رافعين العصي عليها الا انها ماطقت لهم خبر وهذا هي اطلقت صواريخها البارح كناية عن " اعلى مافي خيولكم اركبوه وترا هالصواريخ اعلى من خيولكم بعد تسان ودكم تركبونها خخخ " الصواريخ الي اطقتها القوات البحرية التابعه للحرس الثوري كانت كالآتي ( سجلوا عندكم ) صواريخ ارض ارض ، بر بحر ، بحر جو ( تحسونهم يلعبون كلمات متقاطعه صح ؟ ) ثانياً طوربيد او الحوت وهو صاروخ قادر على نسف غواصات العدو ثالثاً صاروخ شهاب 3 وهذا فشقه ممكن يوصل من ايران الى اسرائيل و القواعد الامريكيه في الخليج خخخخ رحنا ملح ، صواريخ ايران روعت الحكومات الغربية الي تظن ان ايران مزبنه اسلحة نووية وهالشي تنفيه ايران !! مسألة ان ايران تهايط وماهمها احد خالصين منها منذو مبطي بس الي استجد بالموضوع غير مسألة اطلاق الصواريخ هو تصريح العبده كوندليزا رايس ( كانت غاطسه يمال الجدري مدري وش طلعلها من جديد ) تقول : ورينا مشيتس بالسروال يا طهران وكانكم ناوينا والا ناوين اسرائيل فـ هـأو مايحكوومشي يادلعدي عززنا تواجدنا الامني في المنطقه والي يرشنا او يرش اسرائيل بالمويه نرشه بالدم ، من جهه اخرى هددت اسرائيل بتوجيه ضربة عسكرية لإيران بعد تجاربها الصاروخيه الي اجرتها وصرح وزير الحرب الاسرائيلي ايهود باراك قائلاً : ترا ماخفنا منتس انتي وصواريختس البخي بس ..مير ترا يوم نشدنا خبرائنا العسكريين عن هالصواريخ قالوا انها خن بط مايمديها ماشيه 1300 كيلو الا وهي خابطه بالارض يعني مهيب حولنا ..اركدوا بس هماه