انا اشغل مكان مميز قلوب الامريكين :$


يقولون اخوانا المصريين في احد امثالهم ( القط يحب خناقه ) والمعنى للمثل هذا شفناه في تصريح محمود نجاد الرئيس الايراني لوسائل الاعلام الايرانيه الي قال من خلالها انه اجتمع بضابط امريكي في رحلته الاخيره للعراق واضاف نجاد ان هاالضابط خاقن معي شر خقه ومأجل اجازته وسفرته لين اصل عشان يشوفني :$ لا وما وقفت على كذا وبس ، الا الضابط حلف وقسم انه مايتعدى نجاد الا وهو مصورن معه :$ من جهته نجاد لم يفصح عن اسم الضابط وهذا الشي يقودنا لطريقين مالهم ثالث يا اما ان نجاد فقشها والا ان الضابط الامريكي خايفن من بوش لا ينحره خخخخ ويتابع نجاد سرد قصتة مع هالضابط المغرم فيه ويقول : هالضابط مهب بس معجب فيني لا ويقول بعد اني احتل مكانه وش كبرها في قلوب الامريكين ( هذي معليش الشق اكبر من الرقعه )همين سج نجاد شوي وهو يسولف على هالصحافه وتسن ابليس نغزه وقلب على الوجه الثاني وتذكر يوم امريكا توني اغتياله في حدا زياراته للعراق من جهه اخرى اكد نجاد البارح ان ماعنده مشاكل في لقاء بوش وجهاً لوجه < اجل قفى لقفى ؟وبدون وساطه لإجراء مباحثات وطق حنتس من جهتها نشرت صحيفه الصندي تايمز نقلاً عن مسؤول كبير رفض الافصاح عن اسمه ( وش ذا الخبر الي كل من فيه موزي اسمه ؟ ) في وزارة الدفاع الامريكيه ان بوش مستعد للمصادقه على عمل عسكري مع اسرائيل ضد ايران في حال تعثرت المفاوضات معها ( الي هي انتي يا ايران ) وقال ان بوش اعطى اسرائيل الضوء الكهرماني ( هذا الله العالم انه لون مابين الاحمر والعنابي ) لخطتها في ضرب المواقع النووية الايرانيه !