هالحمار تسنه يقول للمصارية : هزُلت ، حتى انتم ما تبوني خخخخخخخخ

اتهم نائب في البرلمان المصري الحكومة المصرية بأنها تبيع لحم الحمير ( شرواكم الطيب ) على الشعب و المطاعم .. بعدما صدّرت الحكومة كمية كبيرة من جلود الحمير للصين بدون ما تبيع اللحم !! .. و قال خوينا النائب : " تراي داري ان هاللحم بعتوه على الشعب المصري !! .. و اني داري ( يقولها و هو رافع مستندات من وزارة الزراعة ) انكم بعتوا 7300 قطعة جلد حمار خلال ثلاث شهور .. ثم بعتوا عقبها 4600 قطعة جلد خلال شهر .. ثم بعتوا 5000 قطعة خلال يومين .. ثم بعدها بأقل من شهر بعتوا نفس الكمية !! .. و اني اعرف ( يا كثر حتسيه بعد ) ان الصين على انهم ياكلون الحمير و التسلاب وكل شي تطيح عليه عيونهم .. بس الغريب ليش يستوردون الجلد بدون اللحم .. في الوقت الي نكتشف ان الأصاصيب ( قصده القصاصيب ) عندنا يبيعون لحوم الحمير " .. و بعدما انتهت بربرة المصري احب أذكر ان هالأيام تابعنا بالاخبار انهم في مصر حكموا على القصاصيب الي باعوا لحوم حمير بالسجن و غرامة 30 ألف جنيه .. عاد الله من زين الضمير يقولون اننا ما بعنا هاللحم الا عشان الضعوف الي ما يقوون يشترون لحم صدزي ..!!