قدم الريس الباكستاني برويز مشرف استقالته اليوم الاثنيين ومهوب من جوده وحرصه على الشعب بس قبل ما يقلبون راعين البرلمان عليه الوضع ويعطونه قطته ويكرشونه مع الباب بعد ما يحاكمونه قدام الله وخلقه ولكن تدخلت كم لحيه غانمه وحلت الوضع بانهم يقصرون الشر وان برويز يفارقهم وكل واحد يصلح سيارته .ومن اعلن مشرف هالخبر والبورصه حقتهم منسبه والظاهر ان هواميرهم قافله معهم منه مثل ما قال لنا الهامور حقهم راحجي خان . و برويز مشرف قال لهم انا يطلع بالتلفزيون اليوم وابربر عليكمم شوي وحسب مراسلنا ضياء الحق بلوشي ان الباكستانيين يوم طلع بالشاشه تفلوا عليه ومعطوا السلك من التلفزيونات وخلوه يبربر على نفسه واما الجيش الباكستاني فقال مايحتاج نسوي اسنفار عشانه هالمروح محد يبيه ولا يواطنه واللي بيسوي شي بيعض على شحمه لاشاف اللي يحتفلون بالفكه منه , مع ان فيه اشاعه تقول انه جايته فيزه سباك بالسعودية وقال بلا رياسه بلا هم