ابشتري ( قمح ) وين أسواق بياعه؟

وش حدك على المر؟ غير اللي آمر منه .. على ألحان هذه الأغنية والأغنية اللي قبلها حدت موجة الجفاف في هالصيف إيران على خيارين , يا أما الرصيف ولا أنها تشتري قمح من أمريكا , لكن إيران تقبلت الأمر وقالت أمريكا أهون من الرصيف وطلبتها بحوالي 1,18 مليون طن من القمح الصلب , هذا الطلب جاء بعد 27 سنة لأن حسب كلام الشيبان الأولين أن أخر مرة طلبت إيران القمح الأمريكي على أيام الخميني , ويعتبر هذا الطلب انتكاسة لطهران اللي تسعى وهي عاضه ثوبها على الأكتفاء الذاتي من المنتجات الزراعية , الغريب أن رغم التضييق من الدول الغربية على إيران عشانها تخصب اليورانيوم وناوية تبني مفاعلات نووية , نشوف المنتجات الطبية والصادرات تعتبر حق مشروع وبالعكس شي جميل مثل ماقال المتحدث بإسم الخارجية الأمريكية على لسانه , وكمل سالفته بقولة أننا نفرق بين العقوبات ضد الحكومة الإيرانية وشعبها ومحد يشيل وزر الثاني , اللي يعجز هضمه هو ( ليه إيران تشتري القمح من أمريكا مع انهم متهاوشين ليل ونهار؟ ليه ماتأخذه من دولة ثانية؟ )

من أحدى بيوت إيران اللي تطبخ عصيده وشوربة كويكر خخخخخخخ
مراسلكم / مقلع خاردزاي