تخبرين ذا المزيون ياعروق يومك تقولين ابو عيون ذبلانه وطاحت سعابيلك عليه خخخخخخخ


هذا الشايب النيجيري اللي سبق جابت الزميله عروق نجد خبر عنه قبل فتره وبتلقون الرابط حقه تحت بعد شوي ذا الشايب المصفي اللي كان يقول معصي ما اطلق حريمي وما فيه دليل في القرآن يقول ان الزواج باكثر من اربع حريم حرام اخيراً نوخ عقب ما شاف الدعوة فيها قطم رقبة وعض له على شحمه وقمط العافيه وقال لابو الحريم ولابو اللي يعرس عقب اليوم ويقول انه توه يدري عن حكم الزواج باكثر من اربع حريم وانه مايجوز وانه ما هقاها من اخوياه وربعه يقلبون عليه وينتفون راسه عشانه معرس ومكمل نص دينه <<< بلاهم ما ينلامون انت متعدي الدين تمشي طبلونك ومولع الفلشر خخخخخخخ اجل متزوج 86 حرمه لعن ابو دارك مركب في ظهرك ماطور انت خخخخخخخخ اللهم اني صايم بس <<< عقب وشهو يابو . المهم يقولون ان الرجال يوم شاف الدعوة جد وما منا اللي يخرب ياشباب قام وطلق 82 حرمه من حريمه وترك على ذمته اربع بس ويقول الاخ الوسيم اعلاه ان الحريم هم اللي كانوا يجونه ويطلبون منه يعرس عليهن وهو ما كانت تعوق معه وما يقول لا كل من جته قالت له ابعرس عليك قال تعالي وقال "أنا لا أبحث عنهن وإنما يحضرن هن إلي، وأنا أرى ان الله طلب مني الزواج بهن". طيب يالشين دامك بتنصب حورف نصبتك وانصب على قدك اما انك تقول الله طلب مني كذا فالله حسيبك يالذروق

وهذا رابط خبر الزميله المكافحة عروق نجد اثابها الله

ارعصوا هنا لمشاهدة الخبر السابق للي ما شافه