عينن صابت ماخابت نحستوا اهل الفراوله وتطاقوا على تمركم


مراسلنا زغلول ابو طوبه نقل لنا الخبر و يقول ان هناك هوشتن صارت بالقاهره واستخدموا فيها الزكرتيه كل انواع الأسلحه الناريه (مايقصد الطراطيع )والسكاكين والطوب والقوارير الفاضيه (مصاريه يبلعون اللي فيها ويتحاذفون بها زين ماستخدموا غازات مسيله للدمع والا قنابل ذريه ذا الصعايده مايلعبون بشين هين ) وينجرح منهم 30 واحد وودوهم المستشفى بين واحد مفلوق والثاني متفوخه عينه واللي يده مورمه تسنها فطاير فرنسيه واثبتت تحريات المباحث وتحقيقات النيابه (موب كلهم واحد)بأن شايبن عندهم يوزع تمر يتحسن على ضعوف الحي قبل اذان المغرب باول يوم صيام ويجيك ذا المقرود اللي شياطينه متفلته على ذا المغربيه ويذب على الشويب المسكين ويسمعونه اثنين من( عيال الحته)ويفزعون مع الشايب ويتطاقون مع اللي يذب ويصفقونه ويتمردسون ببطنه وهو يحس بالقهر ويطمر لربعه يحلفون انهم كلهم متايخه الواحد مايدخل مع الباب ويبي لهم شهرين صيام وياله ينحفون بالشارع الثاني بمنطقة (بين السرايات) ويلم له شله ويجيبون سلاحهم ويقلبون شارع ابو تمره على راسه ويحطمون اربع محلات واربع سيارات ويروعون الحريم واهل الحي تصيبهم ام الركب (ويتنافضون تقول انهم مشبوكين بكهرب 220فولت )وليتهم اكتفوا الا اطقلوا النار ويقلبون ذيك المغربه من صوت مدفع الافطار الى اصوات دوريات ومطاقق (الله يكفينا الشر )وتخمهم الشرطه وتوديهم للسجن تحت صيحات البعض ياما في السجن مظاليم (ابك انتم خليتوا فيها مظاليم )