بالله وش بأعلّق عالصوره؟؟الللله يخارجنا بس .!


بحكـم إننا في هذا الشهر الفضيل وبحكم ان الشعب السعودي تزيد عنـده معدلات الشحوم والدهـون وتزيد الانحناءات والتمددات في جسمـه وخاصـه للحريم ، فلقيت ان هالخبـر مناسب جـداً للتوعيـة الصحيـه حيث ذكرت أبحاث ان السيـدة اللى تعرضت للإجهاض تكون لها القابليه للأجهاض مره ثانيـه اذا كانت من اصحاب الوزن الثقيل ،حيث توصل فريق في مستشفى سانت ماري في لندن الى هذي النتيجه بعد دراسـة 696 حاله اجهاض مصنّفه انها غير معلومـة السبب واعلن الفريق الطبي في مؤتمر صحي في كنـدا ان مخاطر تكرر الاجهاض تزيـد بنسبـة 73% عنـد المرأه البقريه،يعني من ذوات الوزن الثقيل ولكن اخصائي في السمنـة والتغذية ذكر انه من الخطـر بعد ان الحرمه تحاول تنقص وزنها وهي حامل، يعني بالعربي تنزلين وزنـك قبل لا تحملين احسن لك،مو اذا فات الفـوت شسمه هذاك،ايه نعم ،أكيـد فهمتوا اللى أقصـده
وذكرت الدراسـة ان احتمال التعرض للإجهاض تزيـد مع زيادة العمـر،،يعني مثلا المرأه الخمسينيه لا حملت، وبنفس الوقت بنت عشرينيه كتكوته تحمل،العجيّز احتمال تجهض عالي جـداً ويكون عامل السمنـة مؤثرا جـداً عليـها مقارنـة بالعشرينيه ، عاد الزبـده ووصلـت وارفقوا على اعماركم من السمبوسه واللقيمات، وعليكم بالمشي والرياضه،والرياض الآن اكثر ما فيه الأسواق واماكن المشي،،روحوا طلقّوا سيقانـكم هنـاك كـود الأجسام تزيـن شوي وتعتدل،الى متى واجسام ربعنـا من المتهردله والمتدليّه والمتسحبّه..!!.

.