مابقى الا فرن ويقلبها عزبة هنود


طاح شايب ياباني في يد الشرطه بعد ماتبين انه يمارس مهنة الطب من 30 سنه بدون رخصة ، ووجهوا له تهمة انتحال صفة طبيب وسمكرة الاوادم دون شهادة اكاديمية.
وذكرت احد الصحف اليبانية ان الشرطة اوقفت هازيقاوا ( 65 سنه ) في عيادته في توشيبا باليابان بعد ممارسته لمهنة الطب ثلاثين سنة، مضيفة بإنه عالج فوق 3000 مريض بالخمس سنين الماضية دون مايتقدم اي مريض بشكوى ضده، بلاه مايصرف لهم الا بندول وان تهور اسبرين الاخضر خخ ...

شف سوايا الحظ الردي .. تأجل زواجي يا بعدي :(


هذي احد نزيلات السجون ابنة الـ32 ربيعاً تأجل زواجها اللي كان من مرتب اتمامه في احد السجون السعودية بعد ما انهت محكوميتها قبل كم يوم.
وبعد ماتم عقد قرانها .. كان من المقرر ان السجينات يحتفلون معها بزفافها لشاب ثلاثيني خارج اسوار السجن ظهر يوم الثلاثاء وتحت اشراف ادارة السجن في حفل مصغر لزفافها ، ولكن حال دون فرحتها خلاف مع اهلها .. على الرغم من اكتمال شروط الزواج بموافقة الطرفين ورضاهم.
وكان احد القضاة اللي كان حاضر العرس طلب تأجيل حفل الزفاف وخروج العروس بعد ما ...

لو بيدي اكز لكم كم واط من عندنا بس الشكوى لله



بيغرق قطاع غزه اليوم بـ ظلام دامس والسبه ان اسرائيل تواصل تقفيل المعابر , وقال رئيس اللجنة الشعبية لمواجهة الحصار جمال الخضري إن محطة توليد الكهرباء ستتوقف عن العمل بشكل كامل الساعة السادسة والنصف من مساء اليوم الا اذا حن الاحتلال الاسرائيلي وزودهم بالوقود الكافي لتشغيل المحطه !! والله لو تخيسون ببيوتكم ما نشدوا عنكم !! الخوف على المستشفيات و بنوك الدم والا الباقي يدبرون انفسهم ...

هذي صورة كحيلان حزة وصوله مقر اقامته بالدار البيضاء


وصل خادم الحرمين الشريفين حفظه الله الى الدار البيضاء في المغرب قادماً من الرياض وكان في استقبال صاحب السمو الملكي السمو الملكي الامير رشيد بن الحسن الثاني ووالي الدار البيضاء وكان خادم الحرمين قد غادر الرياض بعد ظهر أمس متوجهاً إلى المملكة المغربية في طريقه إلى الولايات المتحدة الأمريكية

حفظ الله خادم الحرمين الشريفين في سفره وإقامته

هذا اوباما يسمع المشجعين <<< تذكرت هوك هوجن على الحلبه


هذي ديرتن في اليابان يقال لها اوباما يقولون انهم محتفلين يوم فاز المرشح الرئاسي الامريكي باراك اوباما بالانتخابات وصار رئيس امريكا الجديد ويقول مراسلنا اللي جلسنا نترجم كلامه من امس الصباح الى هالحزه يقول ان الاهالي في قرية اوباما اليابانية احتشدوا في قاعة كبيرة وفيها تلفزيون وجالسين يتابعون اخر التطورات في الانتخابات ويشجعون اوباما ويقولون اوباما اوباما حوه حوه <<< هي اصلاً هوه بس المترجم نطقها كذا خخخخخ واكد اهالي البلده ان انتصار اوباما يعد انتصار لهم <<< وانتم وش لقف اهلكم في السالفه ؟؟ وانا اقول وش فيهم حقين حي الفريان امس يوزعون دراهم ...

ربي يخلي لنا هالضحكه


امر ملكنا ابو متعب الله يحفظه بإيداع 10 مليارات ريال في حساب البنك السعودي للتسليف والادخار، وهالمبلغ بالاضافة لموارد البنك بيخصص للقروض الاجتماعيه : قروض زواج ( عاد مالكم حجة يالشباب ) << عانس فرحتن بالمكرمه .... وقروض ترميم البيوت وقروض للأسر المحتاجه خاصة في ظل هالتضخم الاقتصادي الي قابعن بالعالم ، لكن يالله لك الحمد عطانا الله ملك يلمس احتياجات المواطنين و يخفف من هالبلا الي اكل الاخضر ( وش اسهمه ) واليابس .. لكن ما اقول الا يا حوووول يالي ما عندهم ابو متعب ( قلب اخضر شرايينه بيض ) ..

مالها دخل بس حسيت الخبر يناسبها


صرعت صعيديه عمرها 55 سنه ذيب !! وقسم بالله ذيب !! يقول مراسلنا حسنين بمحافظة قنا المصريه ان رفيقة لـ امه اسمها بخيته ( من اسمها ترتاع ) قاعدة بالغيط تحش علف للجاموسه الا والله يجي ذيب هلك من الجوع ( والا وش بيلقى بهالعجيز) ويهجم عليها و يزرط منها اصبعين من كل يد هذا غير الجروح بالرقبه و الوجه وتقوم والله بنت حسن شمندي وتطارح هي وياه لين اردته قتيلاً ، تبون احلف انه شايفها من مبطي بس خايف يقرب منها الا يوم غفلت تحش !! اقروا يا حريمنا موب تخافون من صارور << طلعت منها !!

هذي صورة المعلمه يوم اعرست قبل تتحول معلم وزين انها حولت جنسها <<< ياكذبك خخخخخخخخخ


انهبل مجموعة من الطلاب <<< (بغيت اقول تفاجئ مجموعة طلاب لكن استخرت لاني داري اني مانيب عارف اكمل بالفصحى ) نرجع لسالفتنا مدري خبرنا اللي يقول انهبل مجموعة من الطلاب في مدرسة فوكبورو الابتدائية اللي هي وحدتن من مدارس امريكا يوم رجعت معلمةالموسيقى من اجازتها السنوية وهي متحوله لرجال وصايرن اسمه يبدأ بالسيد فلان لانها خضعت لعملية تحويل جنس اثناء الاجازة السنوية واستغربوا اهالي الطلاب من سكوت المدرسه وادارتها وتكتمهم على الموضوع وقالت مديرة المدرسة ( كيت رين غافليك ) ان سكوت المدرسة يعتبر من باب احترام الخصوصية ...

يقولك بحكم ان السعودية تطورت وارتفع مستوى الثقافة والتعليم .. ميب غريبه لا ارتفعت الكراعين معها خخخ

هذي سعودية دفعت لرجلها 350,000 ريال عقب ما تهاوشت مع رجلها وصبت على وجهه موية نار (اسيد) <= ماتنتحارش خخخ ، وهالمبلغ دفعته مقابل انه يتنازل عن الدعوى القضائيه والطلاق .
والرجال حاولو به جماعته انه يطيح الحطب ويتعوذ من بليس واقنعوه انه يوافق ، وصارت ذا التسويه في جنوب السعودية قبل فتره ، وبموجب ذا الصلح طلعت الزوجة من حكم سجن سنتين و400 جلدة تزلغ جلدها صح رفعها الزوج عليها في المحكمة الجزئية في نجران عقب ماصبت عليه موية النار بعد هوشة حصلت بينهم ، يرجى ان السبب فيها انخفاض مؤشر الأسهم و ...

شويه ابتسامه .. عشان الصورة تطلع حلوة !



من جد لا قالوا صعايده , هذا الله يسلمكم في محافظة بني سويف جنوب القاهرة شبت خناقه بين حمارين وراح غلطتها ضابط مصري متقاعد. يقول مصدرنا ان مواطناً لقي حتفـه بضربة فأس على رأسه ( ما يمزحون هالصعايده ) بسبب هالحميير , وعن المتوفي اسمه مصطفى عبدالونيس مرسي ( 62سنة) " الله يرحمه "وهو ضابط متقاعد , وكان مصطفى يلف في مزرعته وشاف حماره يتهاوش مع حمار ثاني قام يفارع بين الحمير ( من باب سد الذرائع يعني
بواسطة J R 7, الخميس, 16 أكتوبر 2008 16:53, التعليقات(0), التفاصيل