شب حريق البارح بسجن منطقه الاحساء ومات بالحريق الى اللحين سبعه الله يرحمهم واحدن منهم عسكري والسبب حسب مايقولون ان عددن من المساجين في عنبر واحد تدابغوا وعقبها جاء واحدن من العسكر وطفى النور عنهم يبغاهم يهجدون ولايرقدون ويعينون من الله خير وقاموا عقبها وجمعوا مراقدهم واحرقوها والامور خربت عندهم واحترق العنبر بكبره ونتج عنه الوفيات واما الاختناقات على حسب قوله مسعول السجن الحارثي ان اللي شقلوهم الهلال الاحمر 19 مات منهم سبعه الله يغفر لهم ويقول ان اول ما شمينا ريحه الحراق طلعنا المساجين للساحات وزهمنا على الدفاع المدني وطفوها . وحسب ما ذكر لنا مراسلنا مقلع القنبر ان سجن الاحساء امبيه دايم هواش وقبل كم شهر تهاوشوا العسكر والمساجين وما ...

وش وجه الشبه بين شقق شمال الرياض وشقق البحرين !!!


يقول لكم الله يسلمك زواج المسيار انعش سوق الشقق المفروشه وصارت اسعاره ب 150 وب 300 ريال يعني ارخص من الفنادق حتى ان العمال حقين الشقق صارو ينادون عملائهم بنك نيم جديد وهو الزائر السريع لانه يجي الشقه (حسب كلام عامل في الشقق ) ويجلس يوم والا ساعات ويمشي وغالبا يجون في ايام الويك اند بعضهم يجلس للصبح وبعضهم يسري مع الليل ومن ضمن القصص المذكوره ورواها واحد من العمال ان مره جاهم واحد هو وزوجته وخذو غرفه وبعد كم شهر جا نفس الشخص لكن بحرمه ثانيه ! العامل قال معصي أئجرك لو تطامر المهم الرجال طلع اوراقه النظاميه وكل شي انه غصب تاجرني طبعا العامل سئل و ...

إحباط عملية تهريب 612.000 حبة لجج وفي رواية قضوم


تم ضبط كمية من حبوب كبتاجون مرصوصه في صناديق حديد بشاصي تريلة في منفذ حالة عمار الجمركي من قبل جنود الجمارك البواسل، جاء في الخبر إن الحبوب وصل عددها إلى 612.000 حبه حاطينها في مكان سري داخل شاصي التريلة. وقال فهاد بن بهلول الحربي مدير عام جمرك حالة عمار إنه مر على الجمارك حدى هـ العمالة الأجنبيه الله لا يوفقهم وإشتبهو فيه وبعد ماددقو في الشاحنه لقو كمية من المخدرات، وحولو القضية للجهه المختصه لإكمال التحقيق.

من وكر المهربين
صمنديقة المستلج

زحمة بنك التسليف


ذا الزحمه كانت يوم الأربعاء الماضي على مدخل بنك التسليف السعودي في الباحه، ويرجون هالزحمه بسبب قلة البنوك الفرعيه في ذيك المنطقه إللي يجبر الجميع على مراجعة معاملاتهم في هالفرع. ويقول مدير بنك التسليف فرع الباحه بإنه ينق مليون وميتين ألف ريال يومياً خلال الدوام الرسمي ولزيادة الزحمة والتدافع عليهم خلو كل الموظفين يمسكون حراسه مع الدوريات الأمنيه. وحقيقه مايدل كل هذا إلا على الحاجة والطفره وقل الدخل والعريجا إللي دفعت الجميع للسلف والديون عسى الله يسمح أمورنا جميع.

من كبد الحدث
صمن ديقااا

لا حول ولا قوة إلا بالله .. هذا اللي استفدناه من ورا MBC2 حتى بزارين الحاره كل واحد من يمشي بسكين والي معه عجره يحسبون إنهم في حرب ,قام أحد الملاحيس والمتأثرين من فاندام وجكي شان ورامبوا ايام الاجزاء الثلاثه بهشم رأس والدته بالمطرقة أمام أنظار أخوته الصغار ,جعله الماحي ذا المريض .. هالملحوس يقولون إنه اصابته هستيرا ونوبة من الجنون جعله بجني اسود يجيه في ظلمة الليل وتوجه هاللي ما يتسمى لوالدته التي تبلغ من العمر ( 60 سنه ) وهي في غرفتها بمطرقة حديده .. وانهال عليها بالضرب والله لو إنك في حرب واللي يرفع الضغط إنه انهال عليها امام اخوانه الصغار واللي من اللخمه ما قام احد منهم مستغربين اللي حاصل . ومن قوة اللخمه بعد اتصل واحدن منهم ( عاد مدري ...

اعنبو بليسك وش هالبجاحه! جايبن لي قوارير تقول لي كيسان بلاستيك خخخخ

الله يعافيهم حقين الجمارك بمنفذ البطحاء يومهم يقفطون تريلة مليااانة من شراب المخزي (ويسكي) جايتن من حدى الجيران (وش منفذه البطحاء يومهم مايقولون اسم الدولة :D؟) على انهن كيسان بلاستيك حسب كلام الاوراق اللي بالتريلة. وقال ضيف الله العتيبي مدير جمارك البطحاء اننا عقب ماعرضنا التريلة على الجهاز حق الاشعة عشان نشوف كان فيه خاش خرباش ويوم نبشنا شوي مادرينا الا بوسط هالكراتين اللي يقال لهن كراتين كيسان طلعن قوارير خمر، واننا ضفيناهن ونبي نكبهن باقرب برحه.أما راعي التريلة اللي من جنسية عربية فغيبوا شمسه عند الجهات المختصّة.وقال مدير الجما ...

و بعد مرور سنة كاملة على قضية اللي هزت المجتمع ككل وهي قضيه الطفلة المعذبه بلقيس .. صادقت محكمة التمييز على حكم القاضي بمحكمة عرعر علي العشبان بسجن معذبة الطفلة بلقيس 13 سنة ,ومعهن 900 جلدة متفرقة .. و سجن الارفل سنة و ثمانية أشهر بتهمة الدجه والاهمال وانه ما يولى على بهم شلون اوادم .. و كانت ضعيفه الله بلقيس ( 7 سنين ) جاها من زوجه ابوها اللي هي عايشتن عندهاا تعذيب وطق ورجف ما يسوى لاكبر مجرم واخرتها جاتها ضربه من الحقيره مرت ابوهاا حسبنا الله عليهاا بمربوع خشب ودخلت عقبها المستشفى و كانت تعرضت قبلها لأنواع من التعذيب .. مثل إجبارها على أكل العظام و تعريتها من ملابسها و إخراجها من البيت لرمي الزبالة .. زودن على تجويعها و ترويع ...

يا رب رحمتـك

اذا كانت لندن عاصمة الضباب فلسنا بأقل منها،،الرياض عاصمة العجاج والغبار والربو والكتمه يوم الأربعاء الموافق 24/4/1429 هـ ،، جا مدينة الرياض غبار وعجاج ،،الله لا يسخط علينا بس تحولت الدنيا لأصفر وتطايرت البسطات بطريق الشيخ جابر وكلن شال الجح والشمام اللى باسط به وضفه لددسنه وانحاش وكانت بداية يوم الأربعاء الجو صحو ،،ولكن حوالي الساعه عشر صباح ولا حولها انتكس الجو فجأة وبدون سابق إنذار والصور اللى فوق توضح كيف الجو قالبن اصفر،،وكلن مهدي بموتره ومشغل الفلشر ويدعي يا رب سلّم يا رب سلم، وفي نهاية الموضوع نهيب بالأخوه المصابين بالربو التزام البيوت ومشاهدة التلفاز او لعب البلايستيشن الين يتحسن الج ...

من يقول الصلع عيب؟ ،،،برعاية شركة عبداللطيف جميل


اويلي بس ،،اصدر امير منطقة الجوف صاحب السمو الامير فهد بن بدر بن عبدالعزيز اوامره للشرطة والهيئه،،وقال اللى يغازل بنات خلق الله بالسوق،،اسدحوه وجزوّا شعره بالموس،خله يتربى وضح الأمير فهد ان القرار ذا يطبق على اللى يغازلون ويضايقون بنات خلق الله حتى لو هو ولد امير او مسؤول ،لكن اللى يجي ويتمشى وما يحارش احد بنحطه عالعين والراس عاد الأمير فهد طلّع هالقرار خلال جلسته الاسبوعية مع المواطنين،،وقال لهم :انا مريت خلال جولتي بالقريات قدام مدراس البنات ولقيت مجموعة شباب مطولين شعورهم ويأذون بنات العالم،،لذلك طلعت هالقرار ووضح القرار ان مو كل من طول شعره بنحلق ...

موظفين الهلال الاحمر السعودي 997 لابو من وظفكم



ياشين السرج على البقر أجل رساله من المفترض إنها تكون إنها تكون توعويه تسبب أزمه نفسيه لكل من يقراها تقريبًا نص الشعب السعودي وصلتهم رسالة الهلال الأحمر إللي مكتوب فيها :( عزيز لك في حالة طبية طارئة لا ترتبك تعلم معنا )هالرساله وصلت لأبوي أنا ياماحكيكم وبدال ماهيب إذا كان لك عزيز في حاله طبيه طارئه عزالله إنه صار لي عزيز في حاله طبيه طارئه تفاجأ الشايب وقت ماكان في الإستراحه بخمس رسايل سرد ورا بعض بعد الساعه عشر ليلة السبت الماضي مكتوب فيها عزيز لك في حاله طبيه طارئه والمرسل الهلال الأحمر الشايب حاول يتصل بالبيت ما أحد رد عليه يتصل علي وقتها ماكنت ع ...