والله حاله هالحين ذا يبي سعوديه اول شي اضبط امورك


هذا سلمكم الله فلبيني مسكوه هيئة الامر بالمعروف والنهي عن المنكر في حفر الباطن واشم على يده وكاتب بالوشم ابي فتاة سعوديه آه يالقهر ودك بسيخ ثم يداوى فيه ولقو معه صور ممرضات وصور اباحية اللهم ياكافي بمستشفى خاص واثاري الحبيب عامل عملته ومسوي روميو زمانه بس الغريب انه فلبيني المفروض يكون عكس هذا كله (خشة تحمد) وتم تحويله الى الجهات المختصه في حفر الباطن للتحقيق معه

هنّ اللي مايسدد غراماته من اول شهر


هذا اللواء فهد بن سعود البشر، مدير الإداره العامه للمرور بالرياض، قال بمؤتمر صحفي كم شغله مهمه علشان نظام المرور الجديد واللي وافق عليه وزير الداخليه الأمير نايف بن عبد العزيز،، وياويل اللي يخلخله أو مايمشي على اللي حنا نقوله ..

من أهم القرارات تمديد وقت الرخصه بدال ماكانت 5 سنوات صارت 10 سنين (زي بطاقة الاحوال يعني )، وقال ان المرور يقوون يفتحون مدارس أهليه عشان الغشمان اللي مايديرون السواقه ومسببين حوادث لخلق الله نعلمهم وندرسهم عشان يخفون بعد الله من هالحوادث والغشامه..

ومن القرارات بعد اننا نبي نحوس اي واحد يجدع له ورقه او منديل او ...

خذوا راحتكم حنا نراقبكم من بعيد

اكد رئيس عام هيئة الامر بالمعروف ان الشباب عنده وعدوه وعد رجاجيل انهم ابد مايقلبونها افلام بوليسية ويطاردون احد بسيارتهم ليما يقلبون سيارته ويقول الشيخ الغيث انه قال للذيابه اذا اشتبهتوا بسيارة فيها مش ولابد ماعليكم الا ترفعون جوالاتتكم على اقرب نقطة تفتيش والا على الدوريات وتقولون لهم " الرجال اخد يمين عليكم فيه تكفون ". وأكد الشيخ الغيث في مؤتمر صحفي عريض بجدة غير انه ابد مو مسوح لأي من حراس الفضيله انه يحربش بجوال احد او يحطه براسه ليما يجيب خبره الا ان كان عليه قضية من اول ونبي نعرف وش هو مسوي . ورجه الشيخ وقال ان الهيئة ماهم هننا الا عشان الشعب و ...

والله مانتب كفو من يروح ويجي على طياراتكم


هذا سلمكم الله قبل فترة كانت شركة الطيران البريطانية BMI أعلنت قبل فترة انهم محددين قيمة التذكره من الرياض الى لندن قيمتها كذا زائد ضرائب، جيزها جيز اي شركة طيران، ومن هالضرائب ضريبه اسمها "ضريبة 11 سبتمبر" وحاسبينها بـ 1610 ريال، وانها خاصتن للسعوديين اللي يبون يروحون عن طريقها سواء لبريطانيا او غيرها.. ولا خلوهم ربعنا ثاروا عليهم وقالوا وش هالشغل يا والله الحقره يعني انت يالسعودي متهمينك وقاضين انك متسبب بمشكلة هالبرجين اللي صاجيننا فيها اللي يشوفهن الحين يقول برج الماء اللي بالمربع ..!
المهم وهالحين هالشركة "انتي يا BMI" يعتذرون ويقولون والله مادري ...

والله يالشورى ناوينك بـ نية قشراء خخخخ


في سابقة تاريخيه ..طالب عضو مجلس الشورى الدكتور عبدالله الطويرقي بـ إعفاء وزير الصحـة "حمد المانع" من منصبه ..وصرح بهالشي في الجلسة الاخيرة اللى ناقشوا فيها تقارير وزارة الصحه وكانت اللجنـة المشرفه على التقارير الصادرة من وزارة الصحـه طالبت بـ دعم الوزارة بالدراهم والميزانية اللى يبونها..لكن الطويرقي وقّف وقال لا..ابـدا..مستحيل..كفايه بئه ..لازم نوقّف مخصصاتهم ..الين يطلّع الاخ الكريم وزير الصحه الخطـه الاستراتيجية الوطنيـه اللى مقفل عليها بـ درج مكتبه من سبع سنين.. وقال الطويرقي : انا طالبت بـ إعفاء "المانع" عشان الوزارة تقدر تتطور وتسوي اشغالها بدون ال ...

هذا راعي غنم خايف تقضي المداهمات

يقولكم انخفضت اسعار الشعير 8% والسبه ان وزراة التجاره تحركت وبدات تسوي مداهمات على محلات الشعير واي محل يلاقونه يبيع الكيس بـ 28 ريال يقفطون راعيه ويركبونه الدوريه قدام الله و خلقه وهالشي خلى باقي التجار يرتاعون وينزلون سعر الكيس لـ26 ولو هم مطولين بالمداهمات تسان التجار باعوا الشعير ببلاش ومعه عنز حامل بلاش ..الجدير بالذكر ( تسني مذيع بالقناة الاولى ) ان كيس الشعير منول يباع بـ 18 ريال وتماشيا مع موجة الغلا المدهره هالسنه ارتفع لـ 28 وبعض المناطق بـ 32 ريال << يبي لوزراة التجارة تداهم بقية المناطق موب بس جنادرية الرياض ( خشة تاجر غنم بوادي ابو حنيفه )< ...

اذا المفارش تحس انها كلها امراض اجل الشغاله اللي كل يوم تنفرش فوقها وش نقول عنها ؟؟

قفطت شرطة الرياض اثنين بنقاليه تكرمون متلبسين بجريمة دعارة وقواده على الشغالات اللي ينحشونهم من بيوت اللي عمامهم (والله من زين الطبايع) وكان طريقتهم في تهريب الخادمات ان واحدن منهم يروح للسوق ويغازل الشغالات اللي مع عماتهم ( ماهوب عاقل مطيح الشغالات ) واذا شاف ان الشغاله فيها ريحة خراب وتبي تفلها لحقهم الى بيتهم وهربها من هناك والثاني كان يدور كل صباح في الحواري والاحياء ويتصيد الشغالات اللي طالعين يرمون القمامه اعزكم الله ولا اللي يغسلون الحوشه ويستدرجهم ويهربهم في الحال ( ما تعوق معه ابن اللذينا في د ...

أعلن الديوان الملكي السبت 5-7-2008 .. إن ابو متعب راح يترأس المؤتمر العالمي للحوار بين الاديان في 16 و18 يوليو في مدريد وقال مراسلنا هناك راؤول بعد ما كرشوه من منتخبهم إن وكالة الانباء السعودية قالت في بيان لها إن ابو متعب دعى إلى عقد هذا المؤتمر بين الاديان الثلاثة الاسلامي والمسيحي واليهودي وذكر لنا راؤول ما غيره إن عبدالله التركي الامين العام لرابطة العالم الاسلامي يقول إن عدد المشاركين اكثر من 200 شخصية راح يتناقشون على اربع محاور. وقدر راؤول خوينا يعرف المحور الاول ( الحوار وأصوله الدينية والحصارية ) وعرف الثاني ( الحوار واهميته في المجتمع الانساني ) والثالث ( المشترك الانساني في مجالات الحوار ) والرابع ( تقويم الحوار وتطويره ).

عقب عنب بيروتي الهيئة تتل هيفاء على وجهه


عقب عنب بيروتي مدري وش اسمه اللي رازن رقمه في التشات الهيئة تتل واحدن ثاني على خشته ..
حيث وردت اخبارية للهيئة عن شخص وضعه فيه شتسه(مشكوك فيه لغير الشقراويين)
حيث انه مشخص بملابس نسائية ويقال انه طاق تي شيرت ضيق وبنطلون (طيحني)
وقفطوه الربع في لوبي فندق في العليابالرياض ..
يوم حققوا مع هيفاء الرياض قالوا وش اقردك في هالشغله ..وعسى مهيب تطول حالتك ؟؟
قال ان ضعاف النفوس والكاشات والشاذين هم اللي دهوروا وضعي
واني ضحية ناس مصافيق ورايحين في رجلها ..
الجدير بالذكر ان هيوفه لقوا معها ارواج ماركات غير العطورات الغاليه ..

كلووو منك ياعلي صالح (ايقونة زوج يخزن بصالة الانتظار )



افاد مراسلنا في محافظة الحديدة .. ان وقت امتحانات الثانوية الثالثة والعشرون للبنات باليمن .. شاف مراقبتين على الامتحان شايلات قدر مغليه ويركضن لوحدة من الطالبات جتها حالة ولادة بوسط الامتحان ويقول مراسلنا اللي راح معهم لمستشفى الولادة والاطفال ان ( جميلة ) البالغ من عمرها 20 عاما رزقها الله ببنت وسمتها (ممتازة) لانها تقول انها بدعت في امتحان الجفرافيا << شكل الاسئلة كلها عن مضيق باب المندب خخخخ والجدير بالذكر ان اغلب الفتيات اليمنيات في غرب اليمن يتزوجن في سن صغيره مابين ال 12 - 16 وهذا اللي خلا سيارات الاسعاف تصفط قدام المدارس المتوس ...