من باب ان السعودي كائن يعشق شي اسمه اجازه ومن باب ان بروتوكولات الطالب السعودي تنص على وجوب الغياب عن المدرسه قبل الاجازه بأسبوع وبعد الاجازه اسبوع الزبده انه من هالبيبان حط مركز الاشراف التربوي بقيادة الدكتور عبدالعزيز الفالح جائزة تربوية للمدرسة الأقل غياب والهدف منها والعهده على الفالح هو حث الطلاّب على المواظبه والانتظام . رغم ان احساسي يقول ان هالجائزة مهيب متعديه امرين .. يا انها بتطيح بتسبد مركز الاشراف ومحدن ماخذها يا انها بتروح للبواب بحكم انه هو الوحيد تقريبا الي بيداوم يوميا والا الباقين يفتح الله .. ولكن نسأل الله لمركز الاشراف التربوي التوفيق والسداد وصدق المثل اللي يقول من امن العقوبه اساء الادب .

تشاوف الرئيس المصري حسني مبارك مع ملكنا ابو متعب الله يطول بعمره باستراحة عليها الكلام يقال لها شرم الشيخ بمصر. وقال مصدرنا مقلع عبد السميع ان الزكرت جلسوا يسولفون عقب العشاء ويتشاورون بعملية عملية السلام اللي بين مصر واسرائيل وبرضو يشوفون حل للمشاكل اللي بدارفور والعراق .وقال مصدرنا بعد انهم تباحثوا بعد حول لبنان وانهم ضايقتن صدورهم على انهم مالقوا لهم ريسن يصلح يمسك الدولة ويوقفون شغل بدي ومابدي. ويقولك ان حسني عزم له كم من رئيس وزعيم عربي بالاسابيع الاخيره لأنه يبي يحاول يهدي الوضع ويلطف الاجواء مثل مايقولون عقب الهوشات والسحبات اللي صارت بعد القمة العربية بدمشق الشهر الفايت،، وابراي لله كان ابو متعب عزمه وقال له القابله عندنا .

وا تعليمااااااه


بدنا نوكل هكذا قالت مديرة مدرسة في مدينة الرياض ... وقفوا راتبها سنة كاملة عشانها أسمحت للطالبات بلبس البنطلون تحت المريول ( ياراعي التكسي خذني يمين يمين ) .. وكذلك لبس عباءة على الكتف وغطاء خفيف يغطي خشش الطالبات ..
المغلوب على أمرها تتحجج أن التوقيف صار من مدير التعليم السابق للبنات بمدينة الرياض مع ان السالفة ما تستاهل التوقيف حسب قرار وزارة التربية والتعليم بأن قرار تأديبها قرار ظالم .. و بحكم أنا بوزارة التربية والتعليم يبي لها عشرين سنة عشان ينقضون قرار مدير تعليم الرياض للبنات سابقاً
كان الله في عونك يا معلمتنا <<< ترا منيب خالة ...

وجه خادم الحرمين الشريفين وسمو ولي العهد بطرح خمس شركات متخصصة في إنتاج الأسمنت (للاكتتاب العام) وبنسبة 50% من أسهمها وبالتكلفة الفعلية لهذه المصانع وبالتنسيق مع هيئة سوق المال.
وأوضح مصدر مسؤول بوزارة البترول والثروة المعدنية أنه تم منح أربع رخص محاجر مواد خام ومنجم واحد لأربع شركات ومؤسسة واحدة لاستغلال الحجر الجيري والرخام هي: شركة ثمرات نجران المحدودة بمنطقة نجران، وشركة أسمنت المدينة بمنطقة الرياض، وشركة عبر المملكة السعودية - سبك بمنطقة الحدود الشمالية، وشركة أسمنت الجوف بمنطقة الجوف، ومؤسسة الخياط للتجارة والهندسة بمنطقة مكة المكرمة وقال إنه عندما تم إصدار هذه الرخص فقد اشترطت الوزارة بناء على توجيهات من خادم الحرمين الشريفين، إلزام كل شركة من هذه ...

أصدر مدير التربيه والتعلوم بمنطقة الحدود الشماليه تعميم وقرار يقول فيه الغو الطابور الصباحي والتمارين الي مالها سنع والفسقه على الصباح, ودخلوا وراعنا عن البرد لا يفطسون

وقال نبي نلغي الطابور وتكون تبدا الحصه الاولى الساعه ثمان الصباح<<<< اجل بالليل

وبنستمر على هالحال الين نهاية الفصل الاول وان كان البرد صامل وما راح بنمدد الى يتوب ويروح <<<<< بيتهاوش مع البرد
وقال الزم ما علينا صحة وغدان المستقبل



هذا هو القرار للي ما يصدق


وبعد قررت الادارت التعليميه بالمملكه كلها ماعادا الرياض تطبيق الدوام الشتوي وبكذا يبدا الطابور سبع وربع والحصه الاول ...

أغلبنا يعرف المدعو هشوومى الراشد الشهير بنانسي الرياض

هذه يا طويلين العمر صوره انتشرت بالنت والبلاتوثات وسبب شهرتة انه مسوى عمليات تجميل و سمكره لخشتة حتى صارت مثل نانسي عجرم وغير لون عيونه وستايلة وخلاقينه وقصه شعره

الصيف لفات كان عيد ميلاده 18 وسوى كيكه على طوله 170 سم الله لا يعاقبنا بس من الفسقة لعند هالناس

سوى عيد ميلاده فى قصر من واحدن من ربعهم وعزم عليه كم سمرمدى و سمرمديه من الفنانين ومن زود المصاله ولبس فستان من تصميم البنانى ايلى صعب بقميه 42 الف ريال وأهدى الحضور دب صغيرون عليه صورته
وجاتة هدايا سياره لكزس عليها رقم مميز سياره اودى و عقم ذهب مثل حق ناسني فى الدعايه

مير ما تهنى بالهدايا يومن رايح للمشغل قصدى للحلاق التركى كلبشوه ...

اوضحت مصادر مرقبة لنا ان البلوت لعبه مهيب زينه ..!!
ففي مثل هذه الليله من قبل كم يوم ..!!
كانو فيه شلة جالسين يلعب بلوت في المحلق ..!!
المهم ان اثنين منهم اخوان وهم راعين البيت ..!!
ويلعبون هالاخوان ضد بعض دايمآ ,,
ويصير بينهم ملاقط عنيف احيانا ,,
لاكن هالمره وش اللي حصل ؟؟ ,, اللي حصل ان واحدن منهم كسر راس الثاني وهزئه ..!!
قفلت مع الثاني عاد خوينا الثاني حمقي ويعصب بسرعه ..!!
قام وشال السلاح عليه وصوبه ..!!
شالوه للمستشفى ودخلوه العنايه ومخطر الولد ..!!
والشرطه عرفت انه مصوب واللي مصوبه اخوه
لاكن إلى الان ماحصل أي شي لين يشوفون وش بيصير عقب ..!!
طبعآ أحداث هالقصــه حصلت في مدينة الرياض ,,

قبضت الدوريات الامنيه السعودية يوم الخميس المــاضي على مواطن سأودي . .
بتهمة ممارسة الفاحشة مع "مــاعز" . .



. . { . . تفاصيل الحدث . . !


راح هالمواطن البالغ من العمر 35 سنة لـ سوق الخميس اللي بالقطيف . .(سوق للمواشي)
بنيّه شراء ماعز لـ هكا الغرض. . . !
نقّـى له وحدتن ممليحة وشراها . . بـ 400 ريال . .

ويقولون انوه اخذها بسررعه وانلفز بدواعيس عند مزارع بـ الجش عشان مايشوفهم احد . . !
انلفز وقام بممارسة الفاحشه مع هالماعز . . وكان عاري ما عليه العود . .

الحاصــل ان الامن مرّو وشافوة وهو عاري وعم يساويها بالماعز . . . !!

. . . . / قبضوا عليه . .

اعترف اخينا بالله عند الضابط بفعلته الشنيعــه . .
وجــاري الحكم عليه بتهمة . . |ممارسة الفاحشة مع الموا ...

" وطني الحبيب وهل أحب سواه ؟! "



قامت هيئة المنطقه الشرقية مشكورة بالإمساك بـ طبيبة آسيوية وشريكها الآسيوي
ملاعين الثوى كانوا يصنعّون خمر وطني .. ويروجونه على أطباء المستشفى الأهلي
الي تشتغل فيه هالدبشه !

بداية قصة القفطه كانت مع راعي بقاله ولد حلال ، لاحظ ان هالآسيوي يجي ويشتري منه
سكر وخميره بكيمات مهبوله ، وقال مستحيل أن هالكميات كلها تروح في اللقيمات !
فـ بلغ الهيئة الي قامت بدورها بمتابعة ومراقبة خطوات هالسمرمدي واكتشفت ان له شقه
تتم فيها عملية التصينع .. والطبيبه تجي لمه في الشقه تقحش من قواطي العرق وتروح تبسط فيهم
في رسيبشن المستشفى ...

البضاعة المضبوطة




قفطت هيئة الأمر بالمعروف والنهي عن المنكر بالمدينة المنورة أمس وافد آسيوي " صفقوني كان مهوب بنقالي " في بداية العقد الثاني
من عمره ، يبيع فـ محل هدايا وذلك لانو استغل طبيعة عمله والتي تفرض عليه التعامل بكثرة مع النساء في إقامة العلاقات العاطفية المحرمة مع بعضهن وإغرائهن بشراء أسطوانات تحتوي مواد إباحية وخليعة ،
وبيعه لـ منشطات ومثيرات جنسية نسائية غير مصرح بها ، وأدوات نسائية أخرى تستخدم في الإثارة الجنسية ، والمشكلة مدري وين جاب هالبلاوي المتلتلة منه !! وذلك بعدما لاحظت
الدورية الميدانية للهيئة كثرت تردد الفتيات عليه وبشكل غريب " شكله حاط لهن مويه وسكّر " ، وقيامه بتشغيل بعض ...