نظراً لكثرة العوانس و العانسات قررت الدولة تزوجهم و تفتك منهم باول الصيف و قبل ما تسافر الناس. بتوجيه من أمير منطقة الرياض الأمير سلمان بن عبدالعزيز تنفذ جمعية البر بالرياض ومن خلال مشروع ابن باز حفل زواج كبير مره مره يعني توقعوا كم معرس؟ 10 ؟ 20 ؟ 100 لا اكثر !! يقول لكم الخبر ان 500 شابه سوف تزف لـ 500 شاب << اشوا الي ما كتبت 501 عاد نبلش بهالواحد منين ندبر له عروس << تلمح عاد تخيلوا هالـ 500 كم بيكلفون ؟ خمسطعش مليون ريال عدن و نقدن ( ترا ميب عدن اليمن ) و تسان احد يبي يتبرع بمشلح و الا طرحه او فرن كهربائي او وساده ، الدولة ميب معيه و بالعكس تقول نعين و نعاون اهم شي نعف عيالنا عن المحرمات و نقص رجولهم عن السفريات النص كم .. و تراكم ...

الشهير بـ (علب توت بناتي!!) يسقط في أحد الفنادق الشهيرة بالرياض . الله من زين اسم الشهره . سقط الي ما ستسمى المشهور بـ علب توت بناتي في فندق في الرياض بعد ان جلس ينتظر هناك مثل إحدى بنات الليل في البحرين وبملبغ محترم يتقاضاه من أجل ليلة يقضيها معاه أحد ( البزرنجيه ) أو بمصطلح أخر الورعنجيه وذالك بعد ان دق السلف واخذ له مشوار من الشرقيه للرياض وكتب في النت للجادين ( البزرنجيه فقط ) يأتي ومعه 1500 ريال للفندق . ووقت ما كان هالتسلب المشهور بـ علب توت يتزين ويحط احمر الشفاه وعطر ولوشن للجسم ويحلق شعره تقل فلبيني .داهمه رجال الهئية الاباسل بعد أن عرفوا عن مكانه من موقع النت الي كان يعرض فيه خشته ورقمه ومكان تواجده . واستطاعت الهيئة أن تعرف مكانه ...

بوش الخاسي سير امس علينا في الرياض والتقي ابو متعب الله يحفظه عقب ما على الصهاينه واحتفل معهم بذكرى 60 سنه على قيام وتكى بوش بمزرعه الملك عبد الله وبيطس اليوم , ويقول كم واحد من اللي يردون العلم ان بوش يكلم ابو متعب حتى يشوفون حل باسعار النفط لانها ماتنطاق وان الدعوه كل مالها وتخرب وود بوش ان السعوديه تزيد الانتاج وترش حتى تنخفض اسعار البراميل اللي تعدت 120 دولار مع ان اوبك قالوا لهاللي اقلقوها ترى مهوب منا زياده الاسعار فيه كم هامور يضاربون ورافعين السعر وصبركم لين ياكلون العالم وبيطلعون , وحسب ما افاد مراسلنا دحيم الاطخم ان الملك الله يحفظه بيوقع مع بوش اتفاقيه حول تعاون في المجال النووي ومعاهده عدم انتشار الاسلحه النوويه .

مداهمة عزبة تزوير أختام أمراء وعساكر ومدنيين

داهمت الشرطة عزبة تزوير وثائق حكوميه يديرها أربع عمال آسيويين في حي النظيم العظيم شرق الرياض. وجاء في الخبر إن الزكرت يلعبون على كبير ومزورين أختم عدد من أصحاب السمو الأمراء وشخصيات قياديه في القطاعات المدنية والعسكرية. وحصلو معهم أكثر من تسعين إستكر وملصق تابع للغرفة التجارية وخمس وأربعين جواز مزور وسته وعشرين إقامة مزوره وعشر إستكرات مزوره لتجديد الإقامات والجوازات ومع البيعه ختم للجوازات يستخدمونه لإثبات مشروعية قدوم العمال وغيره ختم مزور لوزارة الخارجية وختمين آخرين للجوازات وختم خاص بمدير التصاديق بالجوازات وتأشيرات مزورة مابقى إلا ختم علامة الجودة ، ولقو ب ...

شاب يغدي مليونير وصار يطقطق بالملاايين عقب ماعرس مسيار، وتوفت حرمته


زبيده اقلاعستاني-جده:
(عطني حظ واجدعني من نافورة الملك فهد) هذا سلمكم الله رجال(ن) على قد حاله (أو بالأصح كان على قد حاله) حسب كلام مأذون شرعي ومختص بنفس الوقت بقسمة المواريث يقال له الشيخ أحمد المعبي وانها مسكت مع هالضعيف يبي يعرس بس ماااش على الحديده يالله باليومين يذوق شاورما من ماما نوره (الله من الطموح خخخ ) وقال مابدهاش ابعرس لو مسيار، عمري صك الثلاثين وانا ماعرست وش هالكلام، والله وراح يطق باب ناسن موصى عليهم واثرهم مطنوخيين، وخطب بنت لهم صكت الاربعين وهي مابعد اعرست ووفق الله بينهم واعرسوا واتفقوا على انه يكون عرس مس ...

وش جابني للطايرة والمطارات ** والله ماعود ركوبها إن نزلتنا
لو تنفجر قامت تذيع المحطات *** رح عاد دوّر قشنا مع جثثنا


بفضل من الله تمكن الكابتن السعودي ظافر العمري بتلبيق طيارته بنجاح .. و النجاة بـ 122 روح كانت معه على نفس الطيارة في رحلة كان المقرر انها تاصل لمطار تبوك في الساعة 12:15 الليل .. لكن حال دون ذلك عطل في العجلات الأمامية ( شكله ناسي يعاير الكفرات قبل يمشي ) و يقول مراسلنا ان الكابتن قعد يدور بالسماء بحلن بعمره ولا يدري وش يسوي باللي معه لين آخر شي قرر يفرغ بنزين الطيارة ب ...

سعودي يلجأ لـ"الهيئة" لتخليصه من فتاة ابتزته "لإقامة علاقة معها" هذا دليل على إن الشباب السعودي اطخم ومطارد من الجنس الاخر وإذا مو مصدقين اقروا هالخبر ..قام شاب اطخم يتسم بالوسامه السعوديه بالتوجه لمركز الهئية للامر بالمعروف والنهي عن المنكر في منطقة الشرقيه بعد ان فكر مليا في الامر وأن ما يحصل له قضاء وقدر وليس ذنبه أنه خلق شاب سعودي اطخم . وذاك لرفع شكوى من تعرضه للابتزاز ( يعني التحرش الكلامي ) من قبل فتاة رفض محاولاتها لاقامة علاقة معها . مسكينه ما قدرت تقاوم هالاطخم . واشار خوينا الي كان في الصحيفة ينقل لنا الخبر ( برضوا هو اطخم ) الجمعه 9-5-2008، إلى أن الشاب نقل القتاه ووالدتها بسيارته . ويقولك سبحان الله ما حصلوا تاكسي أو إن الفتاه ض ...

العلاّمه صالح بن فوزان الفوزان


"أي واحد يروح العراق،،او يهوجس بالروحة للعراق،، لازم ننصحه،،واذا ما انتصح،،بلّغوا عليه "،، الكلام السابق هو لفضيلة الشيخ صالح بن فوزان الفوزان عضو هيئه كبار العلماء بالسعوديه حيث انه وصف اللى يروحون للعراق وربع "هبّوا هبّوا" انهم دعاة سوء ومفسدتهم اكثر من مصلحتهم وكان الشيخ الفوزان في لقاء مفتوح مع دكاترة جامعة الامام ، ودعاهم انهم يحمون شبابنا من هالأفكار المنحرفه ،،واللى بعضهم يدس السم بالعسل حيث يربطها بالدين وحماية الدين الخ الخ ،

شب حريق البارح بسجن منطقه الاحساء ومات بالحريق الى اللحين سبعه الله يرحمهم واحدن منهم عسكري والسبب حسب مايقولون ان عددن من المساجين في عنبر واحد تدابغوا وعقبها جاء واحدن من العسكر وطفى النور عنهم يبغاهم يهجدون ولايرقدون ويعينون من الله خير وقاموا عقبها وجمعوا مراقدهم واحرقوها والامور خربت عندهم واحترق العنبر بكبره ونتج عنه الوفيات واما الاختناقات على حسب قوله مسعول السجن الحارثي ان اللي شقلوهم الهلال الاحمر 19 مات منهم سبعه الله يغفر لهم ويقول ان اول ما شمينا ريحه الحراق طلعنا المساجين للساحات وزهمنا على الدفاع المدني وطفوها . وحسب ما ذكر لنا مراسلنا مقلع القنبر ان سجن الاحساء امبيه دايم هواش وقبل كم شهر تهاوشوا العسكر والمساجين وما ...

وش وجه الشبه بين شقق شمال الرياض وشقق البحرين !!!


يقول لكم الله يسلمك زواج المسيار انعش سوق الشقق المفروشه وصارت اسعاره ب 150 وب 300 ريال يعني ارخص من الفنادق حتى ان العمال حقين الشقق صارو ينادون عملائهم بنك نيم جديد وهو الزائر السريع لانه يجي الشقه (حسب كلام عامل في الشقق ) ويجلس يوم والا ساعات ويمشي وغالبا يجون في ايام الويك اند بعضهم يجلس للصبح وبعضهم يسري مع الليل ومن ضمن القصص المذكوره ورواها واحد من العمال ان مره جاهم واحد هو وزوجته وخذو غرفه وبعد كم شهر جا نفس الشخص لكن بحرمه ثانيه ! العامل قال معصي أئجرك لو تطامر المهم الرجال طلع اوراقه النظاميه وكل شي انه غصب تاجرني طبعا العامل سئل و ...