لا حول ولا قوة إلا بالله .. هذا اللي استفدناه من ورا MBC2 حتى بزارين الحاره كل واحد من يمشي بسكين والي معه عجره يحسبون إنهم في حرب ,قام أحد الملاحيس والمتأثرين من فاندام وجكي شان ورامبوا ايام الاجزاء الثلاثه بهشم رأس والدته بالمطرقة أمام أنظار أخوته الصغار ,جعله الماحي ذا المريض .. هالملحوس يقولون إنه اصابته هستيرا ونوبة من الجنون جعله بجني اسود يجيه في ظلمة الليل وتوجه هاللي ما يتسمى لوالدته التي تبلغ من العمر ( 60 سنه ) وهي في غرفتها بمطرقة حديده .. وانهال عليها بالضرب والله لو إنك في حرب واللي يرفع الضغط إنه انهال عليها امام اخوانه الصغار واللي من اللخمه ما قام احد منهم مستغربين اللي حاصل . ومن قوة اللخمه بعد اتصل واحدن منهم ( عاد مدري ...

اعنبو بليسك وش هالبجاحه! جايبن لي قوارير تقول لي كيسان بلاستيك خخخخ

الله يعافيهم حقين الجمارك بمنفذ البطحاء يومهم يقفطون تريلة مليااانة من شراب المخزي (ويسكي) جايتن من حدى الجيران (وش منفذه البطحاء يومهم مايقولون اسم الدولة :D؟) على انهن كيسان بلاستيك حسب كلام الاوراق اللي بالتريلة. وقال ضيف الله العتيبي مدير جمارك البطحاء اننا عقب ماعرضنا التريلة على الجهاز حق الاشعة عشان نشوف كان فيه خاش خرباش ويوم نبشنا شوي مادرينا الا بوسط هالكراتين اللي يقال لهن كراتين كيسان طلعن قوارير خمر، واننا ضفيناهن ونبي نكبهن باقرب برحه.أما راعي التريلة اللي من جنسية عربية فغيبوا شمسه عند الجهات المختصّة.وقال مدير الجما ...

و بعد مرور سنة كاملة على قضية اللي هزت المجتمع ككل وهي قضيه الطفلة المعذبه بلقيس .. صادقت محكمة التمييز على حكم القاضي بمحكمة عرعر علي العشبان بسجن معذبة الطفلة بلقيس 13 سنة ,ومعهن 900 جلدة متفرقة .. و سجن الارفل سنة و ثمانية أشهر بتهمة الدجه والاهمال وانه ما يولى على بهم شلون اوادم .. و كانت ضعيفه الله بلقيس ( 7 سنين ) جاها من زوجه ابوها اللي هي عايشتن عندهاا تعذيب وطق ورجف ما يسوى لاكبر مجرم واخرتها جاتها ضربه من الحقيره مرت ابوهاا حسبنا الله عليهاا بمربوع خشب ودخلت عقبها المستشفى و كانت تعرضت قبلها لأنواع من التعذيب .. مثل إجبارها على أكل العظام و تعريتها من ملابسها و إخراجها من البيت لرمي الزبالة .. زودن على تجويعها و ترويع ...

يا رب رحمتـك

اذا كانت لندن عاصمة الضباب فلسنا بأقل منها،،الرياض عاصمة العجاج والغبار والربو والكتمه يوم الأربعاء الموافق 24/4/1429 هـ ،، جا مدينة الرياض غبار وعجاج ،،الله لا يسخط علينا بس تحولت الدنيا لأصفر وتطايرت البسطات بطريق الشيخ جابر وكلن شال الجح والشمام اللى باسط به وضفه لددسنه وانحاش وكانت بداية يوم الأربعاء الجو صحو ،،ولكن حوالي الساعه عشر صباح ولا حولها انتكس الجو فجأة وبدون سابق إنذار والصور اللى فوق توضح كيف الجو قالبن اصفر،،وكلن مهدي بموتره ومشغل الفلشر ويدعي يا رب سلّم يا رب سلم، وفي نهاية الموضوع نهيب بالأخوه المصابين بالربو التزام البيوت ومشاهدة التلفاز او لعب البلايستيشن الين يتحسن الج ...

من يقول الصلع عيب؟ ،،،برعاية شركة عبداللطيف جميل


اويلي بس ،،اصدر امير منطقة الجوف صاحب السمو الامير فهد بن بدر بن عبدالعزيز اوامره للشرطة والهيئه،،وقال اللى يغازل بنات خلق الله بالسوق،،اسدحوه وجزوّا شعره بالموس،خله يتربى وضح الأمير فهد ان القرار ذا يطبق على اللى يغازلون ويضايقون بنات خلق الله حتى لو هو ولد امير او مسؤول ،لكن اللى يجي ويتمشى وما يحارش احد بنحطه عالعين والراس عاد الأمير فهد طلّع هالقرار خلال جلسته الاسبوعية مع المواطنين،،وقال لهم :انا مريت خلال جولتي بالقريات قدام مدراس البنات ولقيت مجموعة شباب مطولين شعورهم ويأذون بنات العالم،،لذلك طلعت هالقرار ووضح القرار ان مو كل من طول شعره بنحلق ...

موظفين الهلال الاحمر السعودي 997 لابو من وظفكم



ياشين السرج على البقر أجل رساله من المفترض إنها تكون إنها تكون توعويه تسبب أزمه نفسيه لكل من يقراها تقريبًا نص الشعب السعودي وصلتهم رسالة الهلال الأحمر إللي مكتوب فيها :( عزيز لك في حالة طبية طارئة لا ترتبك تعلم معنا )هالرساله وصلت لأبوي أنا ياماحكيكم وبدال ماهيب إذا كان لك عزيز في حاله طبيه طارئه عزالله إنه صار لي عزيز في حاله طبيه طارئه تفاجأ الشايب وقت ماكان في الإستراحه بخمس رسايل سرد ورا بعض بعد الساعه عشر ليلة السبت الماضي مكتوب فيها عزيز لك في حاله طبيه طارئه والمرسل الهلال الأحمر الشايب حاول يتصل بالبيت ما أحد رد عليه يتصل علي وقتها ماكنت ع ...

جايينكم انتظرونا بس


اعلنت حكومه العوم البنقالية ان السعوديين شرط اساسي انهم يفيزون لا بغوا يرحون يتمشون في بنقلادش ( اعقبي ياماليزيا ) وعلى كذا الله يعين اللي ناويين شهر عسل وبيرحون لهم لازم ياخذون حسابهم ,قسم حامت تسبدي وش عندهم ماليزيا مع العلم ان ماليزيا لا فيها تفييز ولا شي ؟ ومسوين لي مهمين والله ما ورى هالقرار الا الخساير ما اتوقع يروح لكم من السعوديين الا حقين السفاره و واحد يدور عمال وواحدن رايح يدور نصاب منهم سارق فلوسه وللاسف حكومتهم جعلها المرض واقفتن معهم , و هي ماترسل الا المجرمين منهم وهالشي رده فعل لقرارمنع تجديد اقامتهم بالسعودية وكني اشوف غازي القصيبي بكره بيصرح وي ...

الحمـدلله عالسلامـه ،،ولا عاد تعيدونها بس

عيالنا ،،ضاعوا،، ايه نعم ضاعوا،،الله لا يضيعنا بس،،الخبر يقول ان مجموعة طلاب سعوديين ضاعوا في وسط أدغال في نيوزيلندا وقال رئيس نادي الطلاب السعوديين،،وشايبهم أحمد المهدي انهم طلعوا كشته في أحد الادغال مع مجموعه من الطلاب السعوديين ،، ولما وصلوا ،،رتبوا امورهم ثم قاموا بتمارين رياضيه وسويدي وتمارين اطاله،،ثم تفرقوا،،اللى راح يلعب طايره،واللى يتمشى،،واللى راح يركب قارب ،، يعني ما هنا شي غريب،،المهـم كل مجموعة مسكت زاويه وقامت تسوي نشاطاتها،،،الا ثلاثة من العيال،،مسكت معهم يمشون،، يقولون نبي نتذكر ممشى الملك عبدالله (او شارع الحوامل على قولة عيال شرق الرياض) ،،وراحو ...

كعادة السعوديين يطلعون بطلعات ما أنزل الله بها من سلطان .. آخرتها بدوي حاطن لنياقه جوال مسجل فيها صوته نغمه وهو يناديها بوهيب بوهيب فصار يدق عليها قبل المغرب بشوي و ترجع للمزرعة بدون راعي ..ويقول مراسلنا مقلع بن محماس .. ان راعي هالبل كان يدرب نياقه على الرجعة للمزرعة اذا سمعت صوته . و عقب ما تعودت على الوضع شرا لها جوال و حط النغمة صوته و هو يردد نفس القصيدة و دق عليها و هو بالمزرعة ثم ما درى الا و هي داخلتن عليه و القطيع كله وراها .. ثم انبسط الرجال و انهبل لدرجة انه بغى يخمها من زود الوناسة .. و يقول راعي النياق صاحب الفكرة .. والله ان هالطريقة بتريحني من الروحة و الجية .. لكن عسى الله يفكني من هالتسلاب الي يسرقون الجوالات !! لكن هاللحي ...

حسبي الله عليهم ونعم الوكيل .. يعني لو هالحريم الي يتجارون فيهن زينات والا حتى مبينه لهم ملامح كان الواحد يقول يلا يقحشون كومة دراهم من وراهن بس انك تفتح شقة دعارة على حساب كم سيرلانكية ظلما مايبان منها شي لو تسلط عليهم كبوس ستاد الملك فهد كلها ، وفلبينيه خشمها متساوي مع خدها فهذي ما يقال فيها غير يمال المشق الي مايطيب يا سيرلانكي قريح ! كالعاده .. وافد اجنبي تحديداً من جنسية سيرلانكية يمارس نوع من انواع الفساد على ارض الوطن وكالعاده ايضاً هالفساد كان شقة دعاره فاتحها في حي الشميسي ويتاجر فيها بشغالات منحاشات .. تم بحمد لله التحجير لسيرلانكي قريح هو وشغالاته جعلهن الرض والمرض من قِبل فرق البحث والتحري بقوة المهمات الخاصه .. جدير بالذكر ...