كعادة السعوديين يطلعون بطلعات ما أنزل الله بها من سلطان .. آخرتها بدوي حاطن لنياقه جوال مسجل فيها صوته نغمه وهو يناديها بوهيب بوهيب فصار يدق عليها قبل المغرب بشوي و ترجع للمزرعة بدون راعي ..ويقول مراسلنا مقلع بن محماس .. ان راعي هالبل كان يدرب نياقه على الرجعة للمزرعة اذا سمعت صوته . و عقب ما تعودت على الوضع شرا لها جوال و حط النغمة صوته و هو يردد نفس القصيدة و دق عليها و هو بالمزرعة ثم ما درى الا و هي داخلتن عليه و القطيع كله وراها .. ثم انبسط الرجال و انهبل لدرجة انه بغى يخمها من زود الوناسة .. و يقول راعي النياق صاحب الفكرة .. والله ان هالطريقة بتريحني من الروحة و الجية .. لكن عسى الله يفكني من هالتسلاب الي يسرقون الجوالات !! لكن هاللحي ...

حسبي الله عليهم ونعم الوكيل .. يعني لو هالحريم الي يتجارون فيهن زينات والا حتى مبينه لهم ملامح كان الواحد يقول يلا يقحشون كومة دراهم من وراهن بس انك تفتح شقة دعارة على حساب كم سيرلانكية ظلما مايبان منها شي لو تسلط عليهم كبوس ستاد الملك فهد كلها ، وفلبينيه خشمها متساوي مع خدها فهذي ما يقال فيها غير يمال المشق الي مايطيب يا سيرلانكي قريح ! كالعاده .. وافد اجنبي تحديداً من جنسية سيرلانكية يمارس نوع من انواع الفساد على ارض الوطن وكالعاده ايضاً هالفساد كان شقة دعاره فاتحها في حي الشميسي ويتاجر فيها بشغالات منحاشات .. تم بحمد لله التحجير لسيرلانكي قريح هو وشغالاته جعلهن الرض والمرض من قِبل فرق البحث والتحري بقوة المهمات الخاصه .. جدير بالذكر ...

أضربو أضربو ، بري عليك يا أبضاي

وقفت الشرطة 35 ما بين سوري و سعودي تطاقو بالعصي والسكاكين في حي النسيم ، وكان سبب المشكلة مناقرة حريم بين سورية وسعوديةوقالت المصادر أن السبب في الهواش أساسا نابع من خلافات بين العايلتين السعوديه والسورية ، وقام عقيد العايله السورية ونادى الرجال وتجهزوا وجاء وكيل رقيب العايلة السعودية واستفزغ بالرياجيل وطبوا بالهواش ، وتكسرت أكثر من سيارة في هالمواجهة بين الحارتين أقصد العايلتين والأن كل هاللي مسوين أبطال وعايشين جو باب الحارة ، ملحطين بالسجن، خل ينفعكم المهايط

رد الامير نايف بن عبد العزيز وزير الداخلية البارح وهو حاضرن حفله اشهار الجمعيه الوطنيه للمتقاعدين بالرياض على تصريحات ايرانيه تقول بان المملكة العربية السعودية هي اللي مخططه ومدبره اغتيال قايد الجناح العسكري لحزب ابليس عماد مغنيه وانتو بكرامه وما زاد الامير في رده عن قولته ( بانها شيء مضحك ) , وكان مغنيه اغتيل في دمشق قبل كمن شهر وهو المطلوب في كم دولة والمسؤول الاول عن اغتيال طائره الجابرية الكويتية وبالذات كم دوله يعتبر لها دم ضروسها مثل اسرائيل وامريكا, وحسب جريده كويتيه تقول ان مابه اغتيال ولا شي وان مغنيه كان يبربس بسياره ويفخخها و قبعت به وان سوريا ناويه تقفل الملف حق اغتياله وتحطه للحفظ مع ان الامور في اغتياله مشكوك فيها الا ...

تم وبحمد الله اليوم تنفيذ حكم القتل في جنديين سعوديين تبع وزاره الدفاع كانوا وقفوا لهم اجنبي معاه بنته على ان لهم سنع وابرزوا له البطاقة العسكريه وقالوا له انك مطلوب خطير وبحكم انه اجنبي ما عرف وش هم له وفهم ان الدعوه عسكر وبس خصوصا انهم مركبين براقات وراء زي المرور السري , ويوم انهم نزلوا الابو على انهم بيتفاهمون معه وركبوه بسيارتهم بالغصب وركب واحدن من هالسرابيت في سياره الاجنبي وطلع ببنته للبر واغتصب البنت حسبي الله عليه ورجع لخويه اللي كان يلفلف بسيارته ومعه الاجنبي ويوم نزلوه انحاشوا , ومن رحمه الله سبحانه كانت فيه دورية امنية و ووقفهم الاجنبي وعلمهم السالفه وبحمد من الله تم القبض عليهم وتوجيه الاتهام لهم بهذه الجريمه البشعه ...

عجت البارح بالرياض و حاس مندوبنا الغبار وانكتموا بشر والدايري امتلى كراتين وباغات , تقريبا خمنا العج على تسع وشوي عقب الاخير , والعجاج جاينا من شمال و من العراق بالتمام ,على قوله مراسلنا في الفحص اللي صفقه كرتون مع العج يقول مكتوب عليه ميد ان عراق ( لاقينا هالمراسل ) , والعراق اللي خمتهم الغبره قبل امس ولا عاد شافوا شي حتى انهم وقفوا المطار وقالوا للطيارات دبري وضعك ودوري لك مكان تنزلين فيه والسبب ان ماعندهم الشغلات المتطوره للشوف وسط الغبار وهذا على قوله الشيبان وقت طلوع الفصول وتحصل به هالامور مع ان المطريركده والله يزرقنا ولا يحرمنا

سالفة ان حصه تهايط على بنت خالتها النوري بطقوم الذهب 21 قيراط الي شاريتهن لجهازها ,بطلناها خلاص مع موجة أرتفاع وغلاء المعيشة ، هذا ما جاء به خبرنا اللي يقول أن ماقدر على عادات اهل السعودية الخاصه بالزواج إلا شطوح اسعار الذهب من تالي ( اجل 28 جرام بـ 1000 دولار ! ) هالشي دفع كثير عرايس للإستغناء عن طقوم الذهب الكبيرة وتوابعها واكتفوا بالطقوم الصغيرة وبعضهم بالاكسسوار بس ( اخرتها شباصات ) واللي خربتها مره عاد تستأجر بس مهيب تعلم احد انه اجار ! << ماجابنا لوراء يالشعب السعودي الا حب الهياط , طبعاً هالشي يعتبر صعب إذا ما اخذنا في الاعتبار ان الذهب من العادات المهمه في الزواج السعودي بالاضافه الى كون السعودية من اكبر اسوق الذهب في المنطقة ! ,الذ ...

اول مره اشوف طقاقه للعزاء << طراه ان وجهها مو وجه فرح ابد


اجل الطقاقات يبون جمعيه لهم؟ خخخ ،خبرنا يقول ان فيه مجموعة طقاقات يطالبون بالاعتراف بمهنتهم ،وانه يكون لهم تنظيم وصفة قانونيه وسجل تجاري، ولازم يكون لهم جمعيه تتبنى المطربات الواعدات وذوات البرطم . وقالت الفنانة الشهيره فتحيه حسن يحيى والمشهوره بدلـع " توحه "، انه يجب على وزارة الاعلام التدخل في موضوعنا بقوه ، ولازم يوقفون شغل المسخره اللى صاير،اجل كل من غنت وهي تسشور شعرها صارت مطربه افراح؟والله عيب.! ولازم يكون فيه تحديد اسعار للمطربه، يعني المحترفه تستلم اكثر،وصرّحت توحه عن حزنها الشديد وذلك بإنزال برطمها الاسفل حتى وصل للركبه ، وقال ...

من باب ان السعودي كائن يعشق شي اسمه اجازه ومن باب ان بروتوكولات الطالب السعودي تنص على وجوب الغياب عن المدرسه قبل الاجازه بأسبوع وبعد الاجازه اسبوع الزبده انه من هالبيبان حط مركز الاشراف التربوي بقيادة الدكتور عبدالعزيز الفالح جائزة تربوية للمدرسة الأقل غياب والهدف منها والعهده على الفالح هو حث الطلاّب على المواظبه والانتظام . رغم ان احساسي يقول ان هالجائزة مهيب متعديه امرين .. يا انها بتطيح بتسبد مركز الاشراف ومحدن ماخذها يا انها بتروح للبواب بحكم انه هو الوحيد تقريبا الي بيداوم يوميا والا الباقين يفتح الله .. ولكن نسأل الله لمركز الاشراف التربوي التوفيق والسداد وصدق المثل اللي يقول من امن العقوبه اساء الادب .

تشاوف الرئيس المصري حسني مبارك مع ملكنا ابو متعب الله يطول بعمره باستراحة عليها الكلام يقال لها شرم الشيخ بمصر. وقال مصدرنا مقلع عبد السميع ان الزكرت جلسوا يسولفون عقب العشاء ويتشاورون بعملية عملية السلام اللي بين مصر واسرائيل وبرضو يشوفون حل للمشاكل اللي بدارفور والعراق .وقال مصدرنا بعد انهم تباحثوا بعد حول لبنان وانهم ضايقتن صدورهم على انهم مالقوا لهم ريسن يصلح يمسك الدولة ويوقفون شغل بدي ومابدي. ويقولك ان حسني عزم له كم من رئيس وزعيم عربي بالاسابيع الاخيره لأنه يبي يحاول يهدي الوضع ويلطف الاجواء مثل مايقولون عقب الهوشات والسحبات اللي صارت بعد القمة العربية بدمشق الشهر الفايت،، وابراي لله كان ابو متعب عزمه وقال له القابله عندنا .