وجـهٌ كوجه القرد،،بل هو أقبحُ ،،اذا رأى الشيطان وجهك مرةً ،، تعوذ حينما يمسي ويصبحُ



الجيش الاسرائيلي منع الفيس بوك منع كامل على جنوده،والسبب انهم لما فحصوا الموقع لقوا جنودهم مصورين المعسكرات والبدل والاسلحه يهايطو فيها عشان يخققون الفتيات العذراوات البريئات ، وليتها وقفت عالبدل،صور صواريخ وقواعد جويه،والطيار يصور طيارته ،والجندي بالبحريه يصور الغواصه اللى يشتغل فيها ،يعني صار الوضع سبهلله ، وما وقفت على كذا،بعضهم تحمس وصور بالفيديو عمليات عسكريه تدريبيه،وبعضهم صور نفسه يتشقلب ويطامر بالتدريبات ،عاد الجيش منـع الفيس بـوك ،وقالوا لجنودهم اذا بتهايطون،هايطوا بصوركم بالبدل العسكريه بس،ماهنا ...

اعلنت البحريه الامريكيه امس ، ان سفينة حربية ايرانيه سوت حركات مالها داعي واستفزت سفينة من سفننا الموجوده بالخليج العربي ، وقاموا حقين السفينه الامريكيه ورموا طلقة في الهواء يحذرونهم ورفعوا اعلام ،ودقوا بواري وفلشر ،يعني افهموها يالايرانيين واقصروا الشر، عاد سفينتين ايرانيات فهموا السالفه ومشوا،لكن الثالثه قرّبت من الامريكان ،ومسكت مع الايراني غلط انه يفر على الامريكان،ويصيحون كافر كافر امريكي كافر , وذكروا الامريكان ان الايرانيين تراجعوا بنهاية السالفه وركدوا وفكونا من الشر ولا كنّا ناوين عليهم شر , وهذي الحركه مو اول حركه يسوونها الأيرانين لان لهم ماضي اسود مع السفن الامريكيه من اول , ما بين رجم نعول وتهديد بالتفجير عاد انتم أبخص ب ...

قال الريس الامريكي بوش وانتوا بكرامه في الذكرى الخامسه لطيحة بغداد اننا هونا وماعادنا ساحبين عسكرنا من العراق لان الوضع عندهم ماهناش ويبيله وهالشي ماقاله الا عقب ما قال له قايد عسكرهم بالعراق بتراوس ان الامور مهيب اللي نبي وقالوا : مادام اننا جالسين هناك جالسين فنبغى نستغل الوضع ونخلص لنا كم شغله , وكان بوش خفض مده انتداب عسكرهم في افغانستان والعراق من 15 شهر الى 12 شهر , وطلب من الكونغرس الموافقه على صرفيه الدراهم الجديده للجيش , وقالوا فيدين الحزب الديموقراطي اوباما و هيلاري ان بوش ذروق وخايف من انه يمحط قرار ويبي يبلانا بخماله وحواقته , وطبخن طبختيه يالرفلاء اكليه وليتنا بناكل معه بناكل عقبه



...

والله من الحقـد اللى بقلبه على بـوش


الرئيـس الأمريكي صار مسخرة لكل من هب ودب بأمريكا ,والظاهر انه عقب ما يترك الرئاسه بيشوف انواع الإنتقام من الشعب اللى حاقدين عليه ,السالفه وما فيها ان شركات أمريكيه للألعاب صنعت دمى لجورج بوش تذب عليه،،شي على شكل قرد براس بوش ،،وشي مصنوع من صلصال تفغّص فيه على كيفك وتحذفه عالجدران ومن زود نذاله هالشركات حاطين شريط صوتي يشتغل في كل دميـة تغري الزباين وتقول "عذبّه مثل ما عذبّنا" خخخ وفي محلات ثانيه مسويه اعلانات قويه لألعابها ومعلقين لوحـه ماخذه شارعين جنوبي وشرقي وكاتبين عليها "يولد كل دقيقة شخص أحمق.. ولكن هل ينبغي أن يحكم العالم؟". >>>>قويه هههههههههه . وليتها وق ...

رغم انهم رافعين عليه العصا ورغم كل الضغوط الاقتصاديه الي عرّضوه لها , الا ان المروح احمدي نجاد راكبن راسه ومعزّم على مواصلة ما بداه في ملفه النووي ، يقول نجاد اذا تحسبون ( هذا انتم يا امريكا واوربا ) انكم بضغطكم وعقوباتكم وبثارتكم تب تطيحون اللي براسي فتراكم واهمين وإنّا ماشين على نفس الدرب لين نوصل لقمة المجد ( مير ايا جعلك للقمة الي تدربى من فوقها إن تسانك اشغلت المسلمين بهالنووي )اختتم كلامه جعله الصلاح بقولة ايران بلد نووي وغير هالكلام ماعندي و إن تسان في روسكم حرش ورونا اياه وترا من طق الباب لقى الجواب

تخلص اسرائيل اليوم الخميس من مناوراتها العسكرية واللي لها خمسه ايام مدهره فيها , ولكنهم ما عشقوا الراحه والى اللحين ما صرفوا العسكر لان سوريا ناويتن تسوي مناورات واسعه بعد ( قلودين ) , واكثرها على قوله ريس الحكومه محمد عطري تبع الدفاع المدني وجاهزيته والجيش بيفزع معهم ان بغوا شيء واحدن من الجيش الاسرائيلي يقول : حنا بنتجهز انت توحي سبحان الله يتغير الامر ليننا جاهزين , وهالشي مقروصتن منه اسرائيل من قبل لان يوم حرب اكتوبر عام 73م كان الجيش السوري قايلن انها تدريبات وقلب الوضع وبدا الهجوم عليهم
كان معكم مراسلكم مقلع حنانيا

اليوم هي الذكرى الخامسه على سقوط بغداد , الله المستعان ذاك اليوم اللي قاموا فيه اهل بغداد على حنه الدبابات الامريكية وهي تدوج بشوارع بغداد وتسرح وبعدها قاموا وطيحوا تمثال صدام حسين كاعلان لسقوط الحكومة العراقية, وعشان هالشي قررت حكومه المالكي تخلي اليوم اجازه رسميه في كل العراق ( اللحين بيجونك اهل الشرقيه ويقول وحنا نبي ) وبعد منعت السيارات من الدوجي بشوارع بغداد الى نص الليل وذا الشي بالنسبه لهم حج وقضاء حاجه منها عشان الذكرى ومنها عشان المشاكل اللي بينهم وبين ربع مقتدى الصدر اللي شابتن شبوبهم وبعد قالت : اللي وده يتمشى يدقها كعابي .

العالم هاليومين ماله شغل الا قالت إيران و سوت إيران و الظاهر ان الموضوع جاز لنجاد عاد اليوم صرح ان إيران باشرت تركيب 6000 جهاز طرد مركزي ( الله من الحرش ) طبعاً هاليوم يصادق الذكرى الثانية ليوم التقنية الوطنية بعد مرور حولن كامل على اول تخصيب اليورانيوم في إيران كان تذكرونه ايام البرادعي الله يذكره بالخير .. و من زود الهياط في ذا الإيرانيين نجاد يقول ان هدفنا نركب 50 ألف جهاز طرد بس مشغولين مع اهلنا ولا تسان وريناكم الشغل , والى هاللحين الرئيس احمد نجاد رافض يوقفون برامجهم النوويه واتلاها امس الاول يوم قال للعالم : سالفه اننا نترك تخصيب اليورانيوم هذي جحيد وامرن بعيد واللي ما توصلونه بيديكم اوصلوه برجولكم

قالت المفوضية الاوروبيةانهم ضبطوا قوانينن جديدة حتى يمدي الركاب يزهمون على اللي يبون بدون مايقلقهم الموظف كل شوي طف جوالك وسكر جوالك (صورة مع التحية للبثرين)، ويقول مراسلنا باوربا مقلع شنايدر ان الدعوه محدده ولاهيب مفلوته وهي بس للي تطير بحدود قارة اوروبا بشرط ان الرحلة تصير على ارتفاع 3000 متر وما فوق . وقالوا نوبتن ثانيه انهم ما قرروا هالقرار الا عقب ستة اشهر من الطلبات والعزايم والجاهيات اللي سواها المنسق الاوروبي بهالموضوع، وانه يبي يجرب اول خدمة اتصال جوال من فوق طياره باوروبا بداية الشهر المدزبل. وقالت مفوضة شؤون الاتصالات في الاتحاد الاوروبي" وهي تناظر شركات الاتصالات بنص عين : هدوا الوضع من ناحية الاسعار وخلوها في حدود المعق ...

هذا في لبنان،لقى طلاب من جامعة "البلمند" على ورقة طايحتن عالأرض ،ولما شافوا الورقه،لقوها بيان من جماعة فتح الإسلام يهددون فيه بتفجير الجامعه والسبب إنها "جامعـة فسق ، ومالها حرام" <<يقال لكم الحين مالكم حلال يا راعين البنوك؟ وذكرت أحد الجرايد اللبنانيـة إن البيان سبب رعب وخوف،والطلبة طلعوا،والبنات يبكون،والدكاتره تصرّعوا، والمدير انحاش،والمقاول سافر السعودية وحالتهم حاله ,إدارة الجامعـة بلغت قوى الأمن ،،وباشروا التحقيق في القضيه ،،عشان يعرفون من وزع البيان، وجدت قوى الأمن مكتوب في البيان التالي : إننا نهدد جامعة البلمند تهديدا قوي وصريح وواضح ، بتفجير جامعتكم الخايسه،لانها جامعة فسوق وكفر ،وبنحرق مالها الحرام كامل،وقد أعذر من أنذر ولاز ...