الزول الأكبر عمر البشير شكله بيصير باح قريبا


اصدرت المحكمة الدولية او تبي تصدر او مخططه تصدر او انها تفكر المهم انهم ناوين الزول الأكبر عمر البشير ..بتهمة ابادة جماعية للأخوه الزوله الزاحفين في اقليم (دار فور) ..
كما صرح حزم الأمه المعارض اللي فاز بآخر انتخابات حرة في السودان (الشغيغ).. ان اصدار اي تهمه او عقوبه بحق الرئيس البشير
سيؤدي الى مااسمته بإنهيار دستوري في اكبر دوله في افريقيا من حيث المساحة وعدد العمايم ..
كما سيؤدي الى نقص في حالة العجز في العالم العربي ..وعدم اتزان ..

الوكاد ان حقين دارفور بيسمونه عيد اعتقال البشير وناوي بسهره ملعونة والدين لدرجة ...

انا اشغل مكان مميز قلوب الامريكين :$


يقولون اخوانا المصريين في احد امثالهم ( القط يحب خناقه ) والمعنى للمثل هذا شفناه في تصريح محمود نجاد الرئيس الايراني لوسائل الاعلام الايرانيه الي قال من خلالها انه اجتمع بضابط امريكي في رحلته الاخيره للعراق واضاف نجاد ان هاالضابط خاقن معي شر خقه ومأجل اجازته وسفرته لين اصل عشان يشوفني :$ لا وما وقفت على كذا وبس ، الا الضابط حلف وقسم انه مايتعدى نجاد الا وهو مصورن معه :$ من جهته نجاد لم يفصح عن اسم الضابط وهذا الشي يقودنا لطريقين مالهم ثالث يا اما ان نجاد فقشها والا ان الضابط الامريكي خايفن من بوش لا ينحره خخخخ ويتابع نجاد سرد قصتة مع هالضابط المغرم فيه وي ...

اولمرت يرفض الاستقالة

صرح الوزير الاعلامي لـ ايهود اولمرت .. قائلا بإن رئيس الوزراء يرفض الاستقالة ويبي يكمل مشواره في الرئاسه وإنه مو عاجز رغم كل الشبهات الجديدة الي تقول إنه يتلقى اموالا بطرق ملتويه .
وقال دان خوي اولمرت إن استقالة اولمرت عشان هالفضائح امر غير وارد ابدا في حين إنه اتهم الشرطة والنيابة باستغلالها لقوتها ضد هالمسكين اولمرت .
وذكر بعد إن النيابة هي الي نشرت الفضحية الجديدة ( باين إنه عنده غيرها كثير ) والشرطة ما قصرت وقامت بنشر الخبر للاعلام .
وصارت هالمشاكل كلها في فترت تزايد الشكوك حول نزاهة اولمرت بعد أن نشرت صحيفة " هآرتس " فاتورتين فيها مبالغ ومصاريف صرفها للسفر ...

أجلس أنت وياه على هالطاولة !

رئيس فرنسانيكولا ساركوزي عازم أكثر من أربعين زعيم من أجل أتحاد المتوسط , وبيحضرون للعشاء أكثر من رئيس دولة وحكومة أوروبية ومن الجزء الجنوبي للبحر المتوسط في إستراحة أقصدالقصر الكبير في وسط عاصمة فرنسا , المفاطيح بتطلع بعد ثلاث ساعات من الاجتماع << طابخينها بمطعم الرومنسية ههههه .. من محاسن الصدف أن بشار الأسد ورئيس وزراء إسرائيل إيهود أولمرت بيجتمعون على مفطح واحد لأنهم قريبين من بعض في الترتيب الأبجدي , عقب العزيمة اللي بيسويها ساركوزي قام بشار الأسد وقال والله أن القابلة عندنا يا ساركوزي وودنا نتناقش أمورنا ونضبط علاقاتنا مع لبنان , ساركوزي وافق وقال في سب ...

تهقون حدا هالصواريخ بيطير في بوش بلا عوده ؟


ايران غدت مثل الي يدربيه السيل ويقول ديمه ! بمعنى انو رغم تهديدات اسرائيل وامريكا لها ورغم انهم رافعين العصي عليها الا انها ماطقت لهم خبر وهذا هي اطلقت صواريخها البارح كناية عن " اعلى مافي خيولكم اركبوه وترا هالصواريخ اعلى من خيولكم بعد تسان ودكم تركبونها خخخ " الصواريخ الي اطقتها القوات البحرية التابعه للحرس الثوري كانت كالآتي ( سجلوا عندكم ) صواريخ ارض ارض ، بر بحر ، بحر جو ( تحسونهم يلعبون كلمات متقاطعه صح ؟ ) ثانياً طوربيد او الحوت وهو صاروخ قادر على نسف غواصات العدو ثالثاً صاروخ شهاب 3 وهذا فشقه ممكن يوصل من ايران الى اسرائيل و القواعد الامر ...

أعلنوها العلويين وقالوا : لكم دينكم ولنا دين

الزعماء العلويين في لبنان حاطين دوبهم من دوب حزب الله لأنهم رافضين أنهم ينحسبون على حسبة حزب الله سياسيا ودينيا, مع أنهم مخاوينهم في صفوف المعارضة اللبنانية , مشددين على أنهم رفضوا الدعوات اللي جتهم من موسى الصدر للتشيّع , كما أكدوا على توجهاتهم الطائفية " العلمانية " حسب ما يريحهم في العيش مع الطوائف الثانية في طرابلس , موضحين أنهم مناسبين ومتزوجين من السنيين والدليل البطاقات الشخصية , وكانت فزعة الجيش اللبناني قد وقفت اشتباكات طائفية يوم الخميس 10/ 7 ميلادي نتج عنها ترحيل أربعة أشخاص لمثواهم الأخير وجرح العشرات في طرابلس , وفزع ناس من السن ...

فكّ و افكّ

طبت جماعة مجهولة الهوية على القنصلية الامريكية بتركيا وصوبتهم بالسلاح .. بعدما مرت سيارة بيضاء ( خخخ بالافلام لازم لون السيارة أسود ولا ترى بيخرب الفلم :d )جنب القنصلية ثم هدت سرعتها و بدت بإطلاق النار .. و يذكر ان تبادل إطلاق النار استمر لمدة 8 دقايق و نتج عنه فنقسة 3 من رجال الشرطة و 3 من الجماعة المجهولة ..حتى نقز الضابط بالنص و قال يكفي ثلاثة مننا و ثلاثة منكم .. ! و يذكر ان تركيا شهدت بهالسنين الي راحت هجمات مسلحة من عدة جماعات مختلفة في السنين الاخيرة زادت الهجمات بالاسلحة في تركيا من نفس الجماعة اللي معهم سيارة بيضاء او غيرهم خخخخ .. كان أخرها سنة 2003 وفنقسوا 62 واحد ...

في راسك حرش يبو ؟


يا ليلتس الطويل يا ايران كانتس مشغلتنا ماورانا الا انتي !
ايران تستكمل سلسلة تهديداتها ( المشكله تهايطون من جهه وتطيح طيارتكم من جهه خخخ ) وتقول
اليهود عيال اليهود مزبنين الشر ويحرشون البيت الابيض علينا ، بس هذا علمن ياصلكم ويتعداكم نبي نشب في تل ابيب
والاسطول الامريكي في الخليج في حال تعرضنا لأي هجمة حربية بسبب مفاعلنا النووي
( انا اشوف ان معها حق وش دخل مندوبتس يا اسرائيل وامريكا ؟ )
بس بما ان محد طلب رأيي :D فنكمل معكم الخبر وننتقل الى تصريح الاخ حجة الاسلام علي شيرازي
الي قال " ايران ما احد يستئسد عليها وان كنت ريحاً فقد واجهت اعصاراً ...

ما يصحش تئولوا عن السادات كده بئه



وزارة الخارجية المصرية حلفت يمين أن تعشي دبلوماسي إيراني في القاهرة اليوم , وبعد ما قلطوهم فنجال القهوة حذرت القاهرة من توتر العلاقة بين البلدين عشان الفلم الإيراني اللي قصته تروي اغتيال الرئيس المصري انور السادات , وقال وزير الشؤون الأسيوية لمصر أن الفلم يصف السادات بالخائن وأنه ودع حبايبه ويستاهل ما جاه , مساعد الوزير المصري قال أن هالكلام مايصير يا قماعة الخير , ومايصحش نخرب علاقتنا مع بعز بئه , مش نائصين نكد وحساسيات معاكو بئه سيبونا في حالنا, الفلم كان بعنوان ( إعدام فرعون ) , والمخرج كان يريش باللي قتل السادات واحدن يقاله خالد اللاسلامبولي << وش تقر ...

علمن ياصلكم كلكم.. شغلي مانيب معدله ولانيب لاين


هذا الله يسلمكم باراك اوباما المرشح الديموقراطي أزبد للعالم بامريكا أمس انه ماطرى له طاري يعدل خططه علشان حرب العراب وانه يبي ينهي هالبزوطه والحواق اللي سواها بوش قبله وعاثوا بالعراق فساد،

ولا قال هالكلام الا عقب ماطاح حتسي من لسانه قال بالحرف الواحد "شكلي ابصقل سياستي عشان العراق" لكنه ازبد للصحفيين اللي يمسكون طرف كلمه ويبهرون بالخبر لين يغدي نصبه كبر قريح، لأن الصحفيين هناك عصبوا وقفلت معهم لأنهم يبونه يوقف هالخمبقه اللي مسمينها حرب وثاروا عليه.. لكنه قال وهو راكب طيارته ومنزل القزازه عشان يكلم الصحفيين "والله يا ماتوقعت ان هرجي ...