تحس الكف جاي من صميم قلبه


تقول الشرطه الهنديه إن مدير احد الشركات الايطاليه بالهند تصفق وانضرب ضرب اليهود على يدين مجموعة من العمال المفصولين بحدى ضواحي دلهي. وتوفى واحد يقاله لاليت كيشور مدير شركة "كرازيانو ترانسيموس .. مدري وش الباقي" متأثرا من الـ 100 عامل اللي توطو في بطنه وكسرو عليه مكتبه بضاحية جريتر نويدا. وقال ضابط شرطه محلي اسمه مانوج باثاك على التلفون : "انفرش 19 مسؤول وموظف بالشركة ، واغلبهم طلعو من المستشفى عقب ماتعالجو" وقال انه مافيه حالات خطيره بينهم. والحادث صار عقب خلاف على الرواتب. وقالت الشرطه ان حول 300 عامل انفصلو قبل شهرين بعد ماطلبو زيادة بالمعاشات ويوم شافو ...

الله العالم ان امه متوحمه على قرون تيس وجت فيه الوحمه


انقلب وجه وزيرة الثقافة الجزائرية خليدة تومي بعد سؤال قاله النائب البرلماني عن حركة النهضة خليفة مسعودي ، عن الفضايح اللي دارت حول استقدام المغني تامر حسني لديرتهم ، وتلاسن الطرفين على ذا الموضوع ، قالت الوزيره ان وزارتها مهيب مسؤولة عن جية المغني ، وانها ارسلت معاملته للجهات المعنيه واشعرتهم انها مهيب قانونيه ولا مرخصه.
ونقلت احد الصحف امس عن الوزيره قولها : ان الفضيحه ماتعنيها هي لحالها ، لأنها ماعطته ترخيص. وانها حولت الموضوع لوزارة الداخلية و ...

فريت قوقل فر ابي صورة زينـة لك ولا لقيت ،، لكن قالوها،،القرد قرد لو يتسبّح كل يوم.!!


اثاري الهكرز الفاضين مو عنـدنا بس..لا وبأمريكا..وشغلهم على جامد وعالي مو زي الهكرز اللى عنـدنا شابّين بالمنتديات الجديده وصفحات جيران ويحط لي صورة هيكل عظمي ونار تشب ويسمّي نفسه باتمان جده خخخخخ
هذولا هكـرز شقرديه قدروا يخترقون إيميل "سارة بالين" حاكمـة ولايـة ألاسكا ومرشحة الحزب الجمهوري في الولايات المتحـدة لـ منصب نائبـة الرئيس وهالهـكرز من دخلـوا الإيميل وهم شغاليّن كبكبة عشوات وفضايح ..وارسلوا صور عائليه ورسائل ونشروها على موقع عام لهم
وصرّح القائمين على حملـة "جون ماكين" المرشح من ...

وفاء قسطنطين اللي اسلمت وحجروا لها الأقباط الين ما تمنسّحت(صارت مسيحية) مره ثانيه



في اول بيان تصدره الإدارة الأرثوذكسية ، على الاتهامات بمقتل وفاء قسطنطين ، قال الانبا موسى اسقف الشباب والانبا بيشوي(عليهم اسماء ولا لاعبين منتخب قطر) سكرتير المجمع المقدس حقهم ، بأنها حية ترزق ومافيها الا العافيه ، وعايشه داخل دير الانبا بيشوي بوادي نطرون على الطريق الصحراوي( بطريق صحراوي وعايشه؟) وقالت الصحف المصريه نقلا عن مصدر بمقر البابا شنودة الثالث بأنهم قررو انهما يطلعون وفاء قسطنطين على التلفزيون بقناة قبطية علشان يسكّتون العالم اللي تطلع هالإشاعات ، وانهم يقفلون السالفة بعد تصريحات ال ...

المكان محاصر ، حضّرب بالمليان


المسلسل المصري "ناصر" اللي يحكي حياة جمال عبد الناصر رفع ضغط الأخوان المسلمين ، لأنه تشويه لهم بحسب ما يقولون ، وقال ولد مؤسس الجماعة أحمد سيف الإسلام بأن المسلسل خدعة للمشاهد المصري والعربي وانه مضلل، وجنوط وفتحه! معليش طلعت عن الخبر شوي ، نعـود لموضوعنا ، ويقول انهم شطـبوا دور الاخوان المسلمين في حقبة الأربعينيات والخمسينيات وحجبوا دور الاخوان في حرب فلسطين ، وقال احمد سيف الاسلام بان الاخوان ما تهرّبو من المواجهة وان جمال عبدالناصر زّكاهم وقال هالكلام لأنه كان عضو في الجماعة في ذاك الوقت ، واضاف " اسألوا اساتزة التاريخ عن دور الاخوان بئه ، همّا بي ...

ترى هذي الصورة مالها دخل بالخبر بس صورة فطور رمضان


يقولكم هذي شركة امريكية عندها مصنع تعليب لحوم ( ترى ماندري هي لحوم بقر ولا خنازير المراسل ماعلمنا ) ويقولكم هالشركة عندها حوالي 200 موظف صومالي مسلم . وهالصوماليين متطاقين مع الشركة يقولون ليش ماتعطونا إستراحة وقت المغرب علشان نفطر و نصلي؟
ويقولكم بدت هالمشكلة يوم 22 عامل طلعوا من المصنع وقت المغرب احتجاجاً على ان الشركة رافضة تغير وقت استراحتهم للمغرب علشان الفطو ...

هذا الازرق لي لعب .. جهزو كاس العنب <= وش نبيذه


بعد ماضرب اعصار ايك جنوب تيكساس وضف في طريقه المباني والبيوت ونوادي الاحتساء والنساء ولكنه وفر لهم الاوادم يقولون ماطاح الا كم واحد والباقين سلمو ، وقال حاكم ولايه ريك بيري اشوا إللي سلمنا من ذا الاعصار وجت على كذا وهذانا في طور اكبر عملية اغاثه وبحث تشهدها ولايتنا ، وعلى ماقيل جت الرياح على مالا تشتهي السفن وجرفت المياهه والسيارات وقطعت الكهرب عن مليونين شخص يسكنون الولايه ، وكانت سرعة الاعصار تعدت 200 في مدينة غالفستون المتمدده مابين بحيرة وخليج المكسيك ، ...

^
أنت وساعتك ذي ؟ .. غصب يبي يورينا أن ساعته من ديور .. يااي خخخخ


أغلبية مسلسلات رمضان هالسنه كانت تعتمد بدرجة أولى على ورش الكتابه بدل الأعتماد على كاتب واحد للعمل .. اما المخرج هالمآصل هذا عامر الحمود يقول لكم انه يشوف غير هالكلام في مسلسله عسى ماشر الي لو احط بذمتي إنه مسلسل طفولي ومهايط بزران !! .. وهو من تأليف ليلى الهلالي وبطولة محمد العيسى وعبدالناصر درويش .. ويكمل الحمود عن مفهوم ورش الكتابه ويقول : ورش عمل تأليف السيناريو وسيلة يلجأ لها الهواة غير القادرين على تأليف نص درامي مكون من 30 حلقه وهذا الي استخدمه ناصر وعبدالله في مسلسلهم كلنا عيال قريه !! ( والله الظآهر ...

اتعب يا سنوكا انتي وهالمسكه المخلبيه !!


راح زمان ..انكلع يا موجرم يا قليل الأدب..عيب ترقمني..الحين ما فيه الا قوّة تلفيع ودعس بطون ..لا واحتمال فيه كسور بالأضلاع واصابات متفرقه
في البحرين تبّنت اكاديميه لـ فنون القتال برنامج خاص للنساء..وهدفه انه يدرب البنت على مواجهة التحرشات الجنسيه..يعني اللى حاط الرقم بين اصبعين..وماده لـ بنت..بترجع له اصابعه.واحد شمال وواحد جنوب..وزين ان ما تكسرّت يديه
وقال المشرف العام للـبرنامج انه خرّج اول دفعه وشملت 22 بنت..وصاروا كلهم فتيات نينجا . يعني على وزن سلاحف النينجا..يعني جاهزات للتكسير والتسطير في ذا العزابيه المغازلجيه...والله يعين ا ...

شفها في بيتكم ياحقيررر << رسالة تطلع بالكمبيوتر قريب


افاد مراسلنا الانترنتي ان عيال زايد (صورة اماراتي سبيكه صدق انه من عيال زايد ويطالب بالحكم ) حجبوا 21 موقع انترنتي بسبب القرصنة الاعلامية وان هال 21 موقع تخليك تشوف باب الحاره وعيال قرية و فنجان الدم وانت على النت . ويقولون المسعولين الاماراتيين انهم من ايام كاس اوروبا اللي طلعت منه الامارات بالدور التمهيدي <فاقد , وهم مطبقين هالقرار وان لهم وسايل اتصال مجانية ويتلقون البلاغات عن اي موقع سروق .