ياحنفي، ياهريده، الهمه ياخونّا


سبع وعشرين مصري (على الاقل) راحوا بخرايطها (الله يرحمهم) وكذا واحد مابين مجروح ومابين مايدرى وينهم مختفين عقب انهيار حصى حاس له 35 بيت ومسحهن مسح على ديرة محيوسه شرق القاهره عند جبل يقال له المقطم، حتى مصدرنا منهم ماندري وش صار عليه، لكن سمعنا طرف اخبار من السي ان ان حسب حتسي رجالن ثقه ان هالعدد الله العالم انه يبي يزود لأننا للحين مابعد قضينا ضافين هالحوسه اللي سببه هالانهيار وجالسين نقش من هالبيوت واللي تحتهم وعملية القش تبي تجلس لها حول اليومين، وقال ان شغل التدوير كله فزعات من هالاجاويد اللي شمروا عن ذرعانهم وطبوا يدورون ويحفرون لين يسهل الله وتاصلنا الشياول ...

عينن صابت ماخابت نحستوا اهل الفراوله وتطاقوا على تمركم


مراسلنا زغلول ابو طوبه نقل لنا الخبر و يقول ان هناك هوشتن صارت بالقاهره واستخدموا فيها الزكرتيه كل انواع الأسلحه الناريه (مايقصد الطراطيع )والسكاكين والطوب والقوارير الفاضيه (مصاريه يبلعون اللي فيها ويتحاذفون بها زين ماستخدموا غازات مسيله للدمع والا قنابل ذريه ذا الصعايده مايلعبون بشين هين ) وينجرح منهم 30 واحد وودوهم المستشفى بين واحد مفلوق والثاني متفوخه عينه واللي يده مورمه تسنها فطاير فرنسيه واثبتت تحريات المباحث وتحقيقات النيابه (موب كلهم واحد)بأن شايبن عندهم يوزع تمر يتحسن على ضعوف الحي قبل اذان المغرب باول يوم صيام ويجيك ذا الم ...

تخبرين ذا المزيون ياعروق يومك تقولين ابو عيون ذبلانه وطاحت سعابيلك عليه خخخخخخخ


هذا الشايب النيجيري اللي سبق جابت الزميله عروق نجد خبر عنه قبل فتره وبتلقون الرابط حقه تحت بعد شوي ذا الشايب المصفي اللي كان يقول معصي ما اطلق حريمي وما فيه دليل في القرآن يقول ان الزواج باكثر من اربع حريم حرام اخيراً نوخ عقب ما شاف الدعوة فيها قطم رقبة وعض له على شحمه وقمط العافيه وقال لابو الحريم ولابو اللي يعرس عقب اليوم ويقول انه توه يدري عن حكم الزواج باكثر من اربع حريم وانه مايجوز وانه ما هقاها من اخوياه وربعه يقلبون عليه وينتفون راسه عشانه معرس ومكمل نص دينه <<< بلاهم ما ينلامون انت متعدي الدين تمشي طبلو ...

8
8


مش ئادره انساك يابو عزمه .. ماتطلأنيش



تخبرون سالفة النيجيري اللي شككنا كلنا في رجولتنا؟؟ ايه اللي تزوج 82 حرمه تنطح حرمه وسبب عنوسه لشباب نيجيريا . يقول لكم الخبر ان هالنيجيري خضع اخيرا للضغوط الاسلامية القويه وسوا قرعه بين الحريم (صورة مره تطيح على الارض يوم شافت القرعه) والله مالومها الموضوع صعب عليها وين تلقى الوحده هاليومين زوج مثل ابو عظمه ذا وتقول البي بي سي اللي سوت لقاء مع ابو عظمة انه يقول ان هالحريم هم اللي يجون عنده ويتميلحون يبون يتشافون على يده ثمن مادري وش يجيها ...

والي موش عجبوه ينتحر


مدري متى بيخلون حركات الجاهليه :( انا مدري وش يحسون فيه ذولا ؟! هذا واحد فلسطيني مسك بنته المطلقه ( 24 سنه ) ودفنها وهي حيه ! من باب حفاظاً على " شـرف العائله " وراح سلم نفسه للشرطه معترف بفعلته وبعدها على طووووول ماتشوف الا اربع دساتن موديل 77 غماره ! مسفطين عند موقع الجريمه وليتكم ماتشوفون اللي شفته :( <~ عايش جو الجريمه ! هالكلب مربط يدينها ورجولها ومشرطن فمها بشطرطون وراميها ف ...

إعصار قوستاف الأمريكي تعادل قوته التدميريه اعصار كاترينا ذيك الايام ياحافظ


يالله تحفظنا بحفظك،، ملاحظين الاعاصير كاثره هالايام على امريكا هذا وحنا تونا بالصيف ماجاء وقت الامطار والعواصف، هذا اعصار جديد يقال له قوستاف جاي مجلعد من اتحت امريكا عند لويزيانا (انظر الخريطه للاستزاده)، قاموا حقين الارصاد يزبدون ويرعدون يحذرون العالم من هالاعصار وانه يبي يحوسهم حوس وبالضبط يبي يحوس لويزيانا وشمال شرق تكساس كم من يوم وبعد اذن الله يبي يجيهم امطار وفياضانات تخوّف. وقال مراسلنا "مقلع كراني" انه بدايات الاعصار تخوف هالحين بوسط الجزر والشواطئ سرعة الهواء صافقه طبلونها 160 كيلومتر بالساعه، والبلا انه كل ما ...

هذا من ضمن الكلاب اللي كانت تتنافس على البيت الابيض بس المرشح الرئاسي حقه كان زلابه فطلع هو وكلبه من بدري


هذا سلمكم الله يقولكم الامريكان مسوين تصويت لترشيح كلب اعزكم الله عشان يعيش بالبيت الابيض مع الكلب الكبير , المهم ما لكم بالطويله يقولون ان الترشيح طاح على كلبن يقال له الجعيد (كانيش) حسب ما اعلن "اميركان كينيل كلوب" النادي اللي اجرى الاستطلاع , وكانيش هذا .. هو الكلب المرشح للمرشح الرئاسي اوباما , وقالت ليسا بيترسون المتحدثة باسم النادي ان خيار هذا الكلب المعروف ب"ذكائه الحاد والرياضي" كحيوان مثالي لدخول البيت الابيض ليس مفاجئاً , وتقول بعد ان المنافسه كانت في شراستها بين الكلاب اشد وا ...

المفروض يفتحون قناة لاخبار المسلسلات التركيه



سمع طبيب بمستشفى خاص صوت مشاهق وصياح ونياح وبحسه الطبيبي طار يركض يشوف السالفه والا الصوت جاي من غرفة الممرضات وتصكه روعه و يدخل ومعه السماعه والفيفادول الا يشوف وحدتن من الممرضات تاركتن المرضى ومغذياتهم تقطر بالارض و مقابلتن الحلقات الاخيره من مسلسل سنوات الضياع ودموعها اربع اربع و ينهبل الدكتور و يقدم طلب للإدارة المستشفى بفصل الممرضه وماتعوق معهم ويفصلونها ( خلي المسلسلات تنفعتس) ..
ومن شنق ثاني انتابت ( للنخبة المثقفه فقط) ام الطفل ابراهيم السلمان ( 3 سنوات ) الدهشه لما كانت تسرد له اسماء الانبياء ولما وصلت للنبي يحيى عليه ال ...

سسيبووونا بلحالنا <<شايب شايل لوحة قدام المحكمه



يقول مراسلنا في دبي .. انه سمع طراطيش كلام ان مفتي دبي يقول إن زواج الوناسه مال أمه داعي وأنه حرام شرعا وان اللي يبي يستانس مع غير أم العيال هو في خلوة شرعية والعياذ بالله ( يا خزياه ) .ولتذكير السادة المتابعين ان زواج الوناسه هو أن شايب طايحن حيله يعرس على وحده عشان تهمز له رجوله بس .. يعني بالعربي زوجته ذي ما تجهز من لاسنزا ولا نعومي , كل اللي عليها تجيب كرتون فازلين والا فكس وهمزيني ياوخيتي .

مسجد الراجحي فرع اوروبا


وافقت امارة ولاية كولونيا الألمانيه على انهم يبنون مسجد كبير بالحيل يمكن يبي يصير اكبر مسجد بأوروبا بكبرها عقب ما صادقت الهيئة الاسلاميه بألمانيا هالقرار عقب ما اتفقوا جميع انهم يقصرون المآذن شوي عن اللي مسوينه بالتصميم، حسب كلام مراسلنا، وهالخبر جاء على القناة الاولى حقت ألمانيا عن واحدن واصل بمجلسهم ان اغلب اللي يتكون معنا بالمجلس البلدي موافقين على فكرة بناء هالمسجد بحي يقال له ارينفيلد، ووافق على هالشغل والتصاميم كذا حزب واللي ماوافق عليه هو الحزب المسيحي الديموقراطي عساهم للضربه. وقال واحدن من هالحزب ان هالمنارات طويلات بالحيل قصروهن شوي (55 متر) لأن هالمنارة تب ...