بالله وش بأعلّق عالصوره؟؟الللله يخارجنا بس .!


بحكـم إننا في هذا الشهر الفضيل وبحكم ان الشعب السعودي تزيد عنـده معدلات الشحوم والدهـون وتزيد الانحناءات والتمددات في جسمـه وخاصـه للحريم ، فلقيت ان هالخبـر مناسب جـداً للتوعيـة الصحيـه حيث ذكرت أبحاث ان السيـدة اللى تعرضت للإجهاض تكون لها القابليه للأجهاض مره ثانيـه اذا كانت من اصحاب الوزن الثقيل ،حيث توصل فريق في مستشفى سانت ماري في لندن الى هذي النتيجه بعد دراسـة 696 حاله اجهاض مصنّفه انها غير معلومـة السبب واعلن الفريق الطبي في مؤتمر صحي في كنـدا ان مخاطر تكرر الاجهاض تزيـد بنسبـة 73% عنـد المرأه البقريه،يعني من ذوات الوزن الثقيل و ...

ربعنا يسمعون بالاعتدال وقت الفطور مافي الاقوة حافظاته


يقولكم ياطويلين العمر ان جامعة الملك عبدالعزيز سوو دراسه على اشخاص صائمين وعددهم 21 ثمانيه منهم مابهم ولاشي وعشره منهم يعانون من نقص المنويات وثلاثه منهم مابهم ولا شي يعني عقيمين وتم اخذ العينات منهم في شعبان ورمضان وشوال وانها سبحان الله تزيد وتقل عدد الحيوانات المنويه الميته في اجسامهم خلال الصوم وفي دراسه في نفس المجال اكد اخصائي التغذيه ان شرب الماء البارد للصائم ينقص من الوزن وذلك بسبب ان الجسم لمن يجيه اي سوائل او تغذيه يقوم برفع درجة حرارتهويرتفع معدل الحر ...

شد حيلك وجيب الرابعه :D


اخر ما توصل إليه باحثون في جامعة شفيلد البريطانية بعد اكتشافهم " فوائد " تعدد الزواجات ( بالنسبه لـ الرجال ), والاطلاع على إحصاءات أعدتها منظمة الصحة العالمية حول البلدان التي تسمح بتعدد الزوجات والنتائج الايجابية واهمها أن عمر الزوج يزداد أكثر من غيره بنسبة 12%. وذكرت صحيفة ( الدايلي مايل ) أن الدراسة اللي ناشرينها مجلة (نيو ساينتيست) بخصوص الرجال اللي عنده أكثر من وحده ( قصدي الزوجات ) وعنده عائلة كبيرة يحصل رعاية أفضل اذا شيب وصار تقل عود مكنسه من كثر ماشهب ,! وكان مراسلنا اجرا اتص ...

انا افضل انك تروح ترفع دعوة فى مجلس الامن الدولي مطالب بأسنانك ..! بوقتها امريكا بتستخدم حق الفيتو :D



يقولكم هذا واحد من معاتيه امريكا الكثيرين ولا يهون بوش معتوههم الأول ,
جاء مراسلنا بهذا الخبر الي يقول انه شايب من سكان ولاية كارولاينا الشماليه
راح لدكتور اسنان و خلع له 4 ضروس وما رجعها له من عام 2005 !! والله من الدجه
( توه يدري ان ما عنده ضروس من ثلاث سنوات ! )وافاد مراسلنا ان الشايب هذا محتفظ للحين بأسنان الحليب ,
و عدسات عين ابوه ومرارة جدته , ( مسوي له كولكشن عائلي من شان هيك ...

تهقون الحبر مخلص ؟


هذا الله يسلمكم في برلين ولادة طفلين توأم واحد خال والثاني ائشطه ههههههه ( سبحان الله )
اللي محيرني أن الام تنحدر من اصول غينيه ( ديره الخوال :D ) والاب من ألمانيا ( مدري وش لقي فيها عشان يتزوجها هههههه !؟ )
وقالت الدكتوره بريجيت فيبر(هناك حالات نادرة* ‬يولد فيها طفلان توأم لهما ألوان بشرة مختلفة ولكن هذه هي* ‬المرة الاولى التي* ‬يحدث فيها هذا الامر في* ‬مستشفانا*).
اتوقع لو تجي السعوديه بتشوف حالات العن من كذا ههههههههه

بكووول بدي طعمييه بتفهمش يازلمه

كلنا نذكر الطفل العملاق الاردني محمد المومني الذي يبلغ من العمر 14 سنة الله يشفيه واللي كان وزنه كل يوم يزيد كيلو ليما طق نسب فوق وطق 193 كيلو وابوه ماغير يصيح ويوديه من مستشفى لمستشفى وكل ماشفاه دكتور قال مالك عندي سنع ويوم درى ابو متعب الله يحفظه ويخليه لعين ترجيه عن حالته قال ماله الا الذيابه اللي بالحرس بالحسا . الاكيد ان المستشفى سوا له العملية ونجحت ابشركم وقطع 75% من مصارينه وخلوا هالكرشة ماتستقبل الا 1200 سعرة حرارية باليوم .ويقول الدكتور العرفج اللي سوا له العملية انه راح يخسر 12 كيلو كل شهر ليما يرجع مثل الناس والاوادم . وربعنا الظاهر ملوا من ال ...

راحت عليكم يالقزمان خخخخ


اخيراً جت احدى الدراسات الامريكية بما يخالف المقولة الشعبية السائده عندنا ( الطول طول نخله والعقل عقل صخله ) حيث وجد شلقة من العلماء الفاضين بعد معاينتهم لأطوال سيقان وذرعان مجموعة من الناس ان هناك علاقة كبيرة بين اصحاب الاذرع والسيقان القصيرة وبين امراض فقدان الذاكرة والزهايمر والسباهه .. بحيث ان النساء ذوات الاطراف القصيرة يزيدون بنسبه 50% في احتمال الاصابه بالسباهه والزهايمر ( عزالله رحنا وطي ) بينما تشكل الاذرع القصيرة بالنسبة للرجال مشكله الاصابه بالعته بس ونقلاً عن تينا هوانج رئيسة فريق هالبحث اشارت الى ان الطول والارتفاع كلها تعتبر مؤشرات بيولوجية لوجود مشاكل او عيوب ...

Dirty Keyboard


اظهرت دراسة حديثة ان بعض لوحات المفاتيح قد تحوي بكتيريا اكثر خطورة وضررا من تلك التي قد تكون في المراحيض. الكيبورد (لوحة المفاتيح) احيانا تحتوي بكتريا اكثر خطورة من البكتيريا اللى بالمراحيض(السيفون) وانتم بكرامه،هذا الكلام ظهر في دراسة حديثه ،، وسووت تحاليل على 33 لوحة كيبورد من اماكن متفرقه،، وظهرت انواع بكتيريا ما تظهر حتى بحمامات محطات خط الرياض – الطايف من قوّة الوصخ ،والشي الجميل بالأمر ان الكيبوردات النسائيه،او اللى يشتغلون عليها البنات،، اوصخ اربع الى خمس مرات من كيبوردات الرجال ،، <<مستانس اجل خخخخ؟ وطالب الدكاتره جميع مستخدمي لوحات المفاتيح بغسل اليدين دائما ،،والحرص ...

الشوف شجر؟؟ لقوا لك علاج بحول الله


ابشركم ياجماعة الخير انه كذا عالم بريطاني لقوا لهم حل لبعض مشاكل العمى، يومهم سووا تجارب لمريضين مرهمين لهم عين صناعية بمستشفى وسط لندن.وقال كذا واحد فاهم وراعي شغلة ان هالعين الصناعية يمكن تشوف حل للي انعموا بسبة العمى الوراثي، وجرب فريق طبي بمستشفى موفليدز الاسبوع الفايت على شايبين اعمارهم سفطن الخمسين عن قولة تسانهم خسروا زيادة ولا مابقى بهم كثر اللي راح وعن قولة نبي نجرب هالعلاج عليكم.وهالعين الصناعية اللي ضبطتها شركة سكند سايت الأمريكية مربوطة بسلك لكميرا مثبتينها بنظارة، وقالت الشركة ان هالطريقة يمدي الشوف يزين ولو شوي لكن الفاهمين قالوا ان هالاسلوب موب زين كو ...

الاعلام مشوهيـن صورة البكتيريا في عيون الآخرين <<وش عنده المدافع عن حقوق البكتيريا؟


أكد فريق من العلماء ان الاكل اللى فيه بكتيريا تراه زين ،،وخاصه الحليب والزبادي (روب) لان اللى فيه بكتيريا طبيعيه وكويسه للجسم وما تضر ابدن وذكرت عدة مصادر ان الشركات العالميه بدت تتوجه لهالأمور،،من حيث اضافة بكتيريا مفيده للمنتجات وحتى مسوين منتجات فيها نسبة البكتيريا مكثفه والمعروفه بأسم أكتيفيا وترا فيه فرق بين البكتيريا الزينه والضاره،،لحـد يتحمس ويحط بقدر الرز صرصور يقول ابي استفيد واقوي جسمي ،البكتيريا النافعه هي بكتيريا توجد في الامعاء وتعيش فيه وتساعد على الهضم وتسهل اخراج الفضلات ،،وانتم بكرامه

< ...